Simple is best!

Инээмсэглэл нам

2011-03-27T00:58:00.006+09:00

2011.3.26 Токио

Японы Smile-tou буюу "Инээмсэглэл нам"-ын дарга Маккү Акасака олон хөлийн газарт намынхаа сурталчилгааг хийж байна. Нэг гишүүнтэй намын дарга, өөрийг нь сонирхоод тойрон зогсох хүмүүст дуу дуулах, бүжиглэх, хааяа нэг хошигнол хэлэх зэргээр хөгжөөнө.

Энэ хүн бол ухаан санаа эрүүлээр барахгүй, чамгүй хөрөнгөтэй бизнесмэн. Тэдний нам боловсрол, эрүүл мэнд болон стресс, амиа хорлолт зэрэг нийгмийн хүндхэн асуудлуудыг "инээмсэглэлийн эмчилгээ"-ээр илааршуулна гэсэн энгийн уриатай. Маккү Акасака их хурлын сонгуульд хэд хэдэн удаа нэрээ дэвшүүлсэн боловч хэтэрхий цөөн санал аван, сонгогдосон удаа байхгүй.

Гэсэн ч тэр инээсэн чигээрээ, хүмүүсийг инээлгэсэн хэвээрээ л байна.

Хориэмон

2010-04-06T16:38:00.006+09:00

Токио Их сургуульд сурч байхдаа 1997 онд хоомпээж хийдэг компаниа байгуулах үед Такафүми Хориэ гэдэг энэ залууг хэн ч таньдаггүй байлаа.

Түүний байгуулсан Livedoor гэдэг компаний үйл ажиллагаа урсдаг шатаар дээш өгсөх мэт саадгүй урагшилсаар 2005 он гэхэд бэйсболын баг худалдаж авахыг оролдох, телевизийн сувгийн ихэнхи хувьцагааг худалдаж авах хэмжээнд "том" хөдөлж эхлэхэд олон нийт түүнийг мэддэг болж, анхаарал хандуулж эхэлсэн юм.

Тэр үеэс Хориэмон гэдэг хочтой болсон мань эр ихээхэн эрх чөлөөнд дуртай, түргэн шинэчлэл-хөгжил бол хамгийн шилдэг гэдэг үзэл бодолтой нэгэн гэдэг нь томоохон хурал цуглаанд "томчууд"-тай уулзахдаа зангиа зүүдэггүй, японы уламжлалт бизнесийн арга барил, улс төрийн хуучинсаг байдлыг байнга шүүмжилж байдаг зэргээс нь харагддаг.

Гэхдээ, хувьцаа эзэмшигчдийнхээ хурал дээр "Манай компани дэлхийн ноомер 1 компани болно" гэж итгэлтэйгээр хэлж байсан Хориэмон-ийг азын тэнгэр удаан ивээсэнгүй. Бирж дээрх хувьцааны мэдээллээ гаргахдаа хууль бус үйлдэл хийсэн гэдэг шалтгаанаар Livedoor-ийн захирлууд шалгагдаж эхэллээ.

Олон сарын турш шүүх хурал болсны эцэст Хориэмон буруутаж их хэмжээний торгууль, хоригдох ялаар шийтгүүлсэн юм. Хэсэг хугацаанд хоригдож байгаад гарсан боловч энэхүү хэрэг хуулийн бүрхэг байдлаас болж нэлээд төвөгтэй, одоо хэр бүрэн шийдэгдээгүй байна.

Түүний хэтэрхий эрх чөлөөтэй, шийдэмгий байсныг нь буруушаах хүмүүс олон байсан ба энэ утгаараа олон дайсантай. Тэр дайснууд нь болон хуучинсаг улс төрчид, шүүгчид түүнийг буруутгасан гэж өөрөө үздэг, тэрэнтэй нь санал нийлдэг хүмүүс ч цөөнгүй бий.

Амьдарч буй нийгэмдээ шүүмжлэлтэй хандаж, байнга хурц үг, зоригтой үйлдлээрээ анхаарал татаж байдаг, гэхдээ маш энгийн (далий юм ярьдаггүй) энэ залуугийн блогоос нэгэн бичлэгийг хөрвүүлэв.

* * *

Бизнест "бараг л гарцаагүй" амжилт олох арга

Компани байгуулж бизнес эхлүүлэх гэж байгаа бол өөрийн дуртай бизнесээ биш гарцаагүй амжилт олох бизнесээс эхэлсэн нь дээр гэж би хэлдэг. Тодруулбал,

-Ашиг олох магадлал өндөр бизнес
-Бараа-агуулах хэрэггүй бизнес
-Тодорхой хугацаанд тодорхой хэмжээний орлого орж ирэх бизнес
-Үндсэн хөрөнгө ноль, эсвэл багахан хөрөнгөөр эхлүүлж болох бизнес

-ийг хийвэл бараг л гарцаагүйгээр цааш амжилттай явна гэж хэлсээр ирсэн.
Би үүнийгээ зөв гэж боддог ч гэсэн, нэг л бүтэмж муутай хүмүүс бас байгаа бололотой.
Яагаад? гэж гайхан бодож үзлээ.

Тэгтэл, шалтгаан нь энэ юм болов уу? гэж бодсон зүйл нэг л байлаа.
Тэр нь унтахаас бусад бараг бүх цагаа ажилдаа зориулахгүй байгаа юм биш биз гэж.
Би өдөрт 8 цаг гаруй тувт ширээний ард суугаад ажлаа хийдэг, хооллохдоо ч ажлаа хийдэг байсан тухайгаа нэгэн тэмдэглэл дээрээ бичтэл мэйлээр асуулт ирсэн юм.
Суугаа ажил хийхээр нэг мэдэхэд ажилтай холбоогүй, видео сайт үзэх зэрэг тохиолдол байхгүй гэж үү? гэсэн асуулт.

Видео сайт!? Тийм юм үзэж байх зав байхгүй. Ажлаар кино шүүмж бичихийн тулд л кино нээлтэд очих, эсвэл twitter-ээр social filtering хийгдсэн видео л үздэг. Хальт хараад л ажилдаа эргэж орно. Тоглоом тоглох зав мэдээж байхгүй. Сэтгүүл, комик бол унаанд явахдаа, эсвэл долгион барихгүй газарт л уншина. Номны тухайд гэвэл review бичихийн тулд л унаан дотор ихэвчлэн уншина.

Компаниа үүсгээд 3 жил орчим найз нөхөдтэйгөө ууж суусан удаа ч цөөхөн. Бизнес уулзалт, лекц зэрэгт нэг ч удаа явж байгаагүй. Тийш явахын оронд лекц уншсан хүний номыг аваад хурдан уншлага хийсэн нь дээр. Mail magazine гаргаж байвал тэрийг нь уншихад болно. Лекц цуглаанд явж байх цаг нь хайран юм.
Одоо бол арай өөр болсон ч гэсэн тухайн үед хооллох цаг хүртэл хайран учраас түргэн үйлчилгээний цэгээс бэлэн хоол, салат зэргийг авч иднэ. Тэрүүхэн цаг хугацаа хүртэл хайран санагдаад ажилтнаараа хоол авч ирүүлж байсан удаа ч бий. Бас дуудлагаар хоол их захиалж иддэг байлаа.

Хагас, бүтэн сайн гэж мэдээж байхгүй. Зуны амралт, шинэ жил ч амрахгүй, тувт ажиллаж байлаа. Болзоонд ч явахгүй учраас үйл явдлыг товчлох үүднээс нэг хэсэг эмсийн хүрээлэн явдаг үе ч байлаа. Ваннтай усанд хэвтэх, үсээ залуулахаар явах зэрэг цаг үнэхээр хайран гэж бодоод бараг л явдаггүй байв.
Эцэст нь гэртээ харих цаг ч гэсэн хайран санагдаад үргэлж компани дээрээ хоноглох үе ч байсан. Нэг хэсэг компани дээрээ шүршүүр хүртэл байрлуулж байлаа.

Энэ хэрээр хийхэд бол бараг л гарцаагүй амжилтанд хүрнэ гэж бодож байна л даа...

Аан, энд нэг чухал зүйлийг хэлэхэд, дээрхийг хэцүү гэж бодож байгаа хүн бол амжилт олоход "тэнцэхгүй" байж магадгүй.
Би үнэнээ хэлэхэд бусад ямар ч зүйлээс илүү ажилд төвлөрөх цаг хугацаандаа дуртай, шинэ технологи боловсруурах зэрэг нь сонирхолтой байсан юм.

Шөнө дундын хайрын захиа

2010-01-19T10:54:00.001+09:00

"Яах гэж тийм мэйл явуулав даа" гэж харамсаж байсан удаа байгаа юу?

Бор дарсны халуунд, эсвэл баярласандаа, уурандаа хэн нэгэн лүү явуулчихаад дараад нь амаа барьдаг (маусаа барьдаг?) тийм мэйлийг "шөнө дундын хайрын захиа" гэдэг юм байна.

Gmail-ын Mail Goggles тохируулгыг хийвэл үүнээс сэргийлж болно гэнэ.

Жишээ нь Баасан ахын төрсөн өдрийн орой 10-аас хойш мэйл явуулах үед зураг дээрх шиг амархан бодлого гарч ирнэ. Хэрэв бодож чадахгүй бол мэйл нисэхгүй. Хэхэ.

The Italian (2005)

2009-12-14T10:07:00.004+09:00

Оросын жижиг хотын хүүхдийн асрамжийн газарт хааяа Мадам нэртэй авгай ирж хүүхдүүдийг шинэ гадаад ээж аавтай нь танилцуулна.

Нэг удаа 6 настай Ваня-гийн ээлж болоход итали аав, ээж нь ирж танилцаад бичиг баримтаа бүрдүүлээд хэд хоногийн дараа ирж авахаар болов.

Тэр өдрөөс хойш Ваняг бүгд италианец (итали хүн) гэж дуудах болов. Бүгд л түүнийг азтай золиг юм аа гэдэг байлаа.

Харин Ваня нэгэн явдлаас болж төрсөн ээжийгээ олох хэрэгтэй гэж шийднэ.

Тэр архиваас өөрийнхөө материалыг хулгайлж авсан ч уншиж чадахгүй гээд асуудлууд ар араасаа гарч ирэх боловч Ваня ээжийгээ олох урт аянд гарна...

Ибрахим өвөө (2003 Франц)

2009-10-01T11:00:00.007+09:00

"Monsieur Ibrahim et les fleurs du Coran"

Францын арын гудамжинд амьдардаг 13 настай хүү Момо багаасаа эцэг эхийн хайр энэрлийг амсах хувьгүй байлаа. Эх нь хаяад явсан, цуг явсан ахыг нь эцэг нь байнга магтана, Момод ядаргаатай байв.

Гэхдээ тэрний толгойд ганцхан бодол. Гудамжинд зогсох биеэ үнэлэгч хүүхнүүдийг байнга ажиглана, задгай мөнгөө цуглуулна, анхны "учрал"-аа тэсэн ядан хүлээнэ.

Гудамжны эсрэг талд байх жижигхэн мухлагаас талх тариагаа хулгайлж мөнгөө хэмнэнэ. Харин мухлагийн эзэн Ибрахим өвөө бүгдийг мэдэж байсан ч түүнийг загнахын оронд түүнтэй хууч хөөрнө, нэг мэдэхэд тэд найз болсон байлаа...

Холивүүдийн тар нир хийсэн киноноос өөр, сэтгэлд "нэвтрэх" оролдлого хийсэн хөөрхөн кино.

Ибрахим өвөөгийн дүрд дээр үеийн европ Чингист тоглож байсан Омар Шариф.

Аса & Хакухо

2009-01-26T14:03:00.006+09:00

Өчигдөр Аса сэтгэл сэргэтэл сайхан түрүүллээ. Японы мэдээллийн сувгууд түүнийг ноднин жилжингээ буруушаасан. Тэр нь заримдаа хэрээс хэтэрсэн мэт санагдах үе ч байлаа. Тэгж балбуулж байхад баргийн хүн сэтгэл санаагаар пиарна. Харин Аса шүд зуун босож ирлээ, эрийн хуйх.

Бас түрүүлснийхээ дараа Монголын ард түмэндээ хандаж Монголоор мэндчилгээ дамжуулсан нь хэний ч сэтгэлийг хөдөлгөсөн.

"Үргэлж дэмжиж байдаг та бүхэндээ баярлалаа. Цаашид олон удаа та бүхнийгээ баярлуулнаа!" хэмээн сэтгэлээсээ хэлэхэд нь олон Монголчуудын самсаа шархирсан бизээ.

Бүр миний ч сэтгэл хөдөлсөн.

"миний ч" гэж хэлсний учир гэвэл: өгүүлсү.

Япончууд бол өнө эртнээсээ суурин иргэншилтэй, хамтаар амьдрана гэдгийн утга учрыг "сайтар чанаад болгочихсон" ард түмэн. Хувь хүмүүсийнх нь үзэл бодолд "бусдад үлгэр дуурайл үзүүлэх", "бусдад хэрхэн харагдах", "бусдад төвөг удахгүй байх" гэдэг сэтгэхүй нэвт шингэсэн байдаг бол нийгмийн сэтгэхүйд нь "иргэн хүний биеэ авч явах байдал, ялангуяа нэр алдартай хүн бол нийгэмд үлгэр дуурайл үзүүлж нийт ард түмнийг байлдан дагуулснаар улам сайхан нийгмийг цогцлооно" гэдэг үзэл бодол бат суурьтайгаар оршдог.

Монголчуудын "усыг нь уувал ёсыг нь дага" гэдэгтэй яг ижил утгатай үг японд байдаг бөгөөд тэрийгээ зарлиг мэт дагадаг, бултаараа дагахыг шаарддаг. Хувь хүний үзэл бодол өөр байсан ч, өөрөөр хэлбэл дотроо өөр юм бодож байсан ч "бусдын төлөө", "нийгмийнхээ төлөө" нийтээрээ бурууг буруушаадаг. Энэ утгаараа японы мэдээллийн сувгууд нийгэмд харьцангуйгаар муу нөлөө үзүүлж болох үйл явдал, алдартай хүмүүсийн хэлсэн үг, биеэ авч явах байдлыг хүчтэйгээр шүүмжилдэг. Ёстой л балбаж өгнө. Нийгмийн байр суурийг нь юу ч үгүй болтол нь, зарим үед бүр амиа хорлохоос өөр гарцгүй болтол нь балбадаг. Өндөр нягтаршилтай нийгэмд муу нөлөө гэдэг тахал мэт дэлгэрэх учраас ийнхүү хамгаалалт хийх нь зөв мэт бодогдох боловч зах зээлийн эдийн засаг, чөлөөт нийгмийн харгайгаар энэ "хамгаалалт" нь хэрээс хэтэрсээн, хэтэрсэн! (зах зээлийн эдийн засаг, чөлөөт нийгмийн харгайны тухай дараа бичимз).

Энэ мэт шалтгаанаар Аса-гийн байн байн "өдөөдөг" үйл явдлуудыг телевиз радио, сонингууд нь ам уралдан хайр найргүйгээр шүүмжилдэг. Монголд хөл бөмбөг тоглосон, агсам тавьсан, хараал хэлэх зэргээр зүй бус авирласан гээд түүнийг балбасан жишээнүүд дуусахгүй. Хэлсэн ганц үгийг нь өлгөж аваад, томруулж байгаад л балбаад эхэлнэ. Мань мэт оронд нь байвал стресстэж үхмээр.

Тэгээд мөхөс би Аса-гийн тухай юу гэж боддог болсон бэ? гэхлээр жоохон япончуудад нийцүүлж харьцаасай, арай даруухан байгаасай. Бялдуучил, худлаа инээ гэж огтхон ч хэлэх гээгүй. Зүгээр л бага зэрэг ёсорхуу, тэдэнд таалагдах үгийг нь хааяа хэлчихээд л явж байвал япончууд ч тайвширна өөрт нь ч гэсэн амар мэт санагдана. Монголчуудын иймээж гэдэг юмыг харуулж байгаа гэдэг утга ч бага зэрэг байна. Мэдээж заримдаа омог бардам, хийморьлог монгол зан гарах л биз, гарсан нь ч гоё. Харин энэ хоорондох балансыг л бариад байгаасай гэсэн санаа. Тэр зэргийн ухаан түүнд байгаа гэдэгт итгэнэ. Өчигдөр үг хэлэхдээ "Би бол японы ёкозуна. Тийм ч учраас би японд хайртай" гэж японоор хэлж "тал засчихаад", дараад нь Монголоор мэндчилгээ хэлсэн нь миний нөгөө хэлэх гээд байгаа баланс. Нэгэн дэвшил гэлтэй. Аса-гийн тухай энэ хүртэл.

Хакухог анхнаас нь дэмжиж ирсэн. Хэний ч хайрыг татах сайхан Монгол хүү. Уужуу тайван, сэтгэл тайвшруулам нэг юм түүнээс гэрэлтдэг. "Япон эхнэр авсан", "хэт японжсон" гэх зэргээр шүүмжлэлтэй хандах хүмүүс Монголчууд дунд цөөнгүй байдаг.

Тийм биш! Япон эхнэр авлаа гээд тэр япон хүн болохгүй. Тэрний бие, сэтгэл бүх юм нь Монгол хэвээрээ. Хайр сэтгэлээ дагаж тийм шийдвэр гаргасан нь түүний зориг. Яахав Монгол хүүхэд залууст үлгэр дуурайл болно гэдэг утгаараа алдартай хүмүүс гадны хүнтэй суухгүй байсан нь дээр гэсэн үзэл бодол байж болох юм. Тэгвэл, эрэгтэй хүн гадны хүнтэй суулаа гээд Монгол хэвээрээ, хүүхэд нь ч Монгол хүн болно гээд чанга дуугаар хэлчихье. Харин эмэгтэй хүний хувьд гадны хүнтэй суувал үүний эсрэг үр дагавар гарах учраас ижилхэн үг хэлж чадахгүй (жэндэрийн асуудалд ороогдож магадгүй ч хэлээд тавьчихлаа :).

"японжсон" гэдэг бол ердөө л түүний чих зөөлөн, даруухан зангийн илрэл. Бялдуучлаад, тал засаад байгаа юм биш. Яагаад гэвэл эргэн тойрных нь багш, сурган хүмүүжүүлэгч японууд нь түүнийг хүүхэд байхаас нь ярьж хэлэх, алхах гишгэхийг нь заагаа биз, шаардаа биз. Өөрсдөө элдвээр хэлэгдэж, асуудалд орохгүй гэж шүү дээ. Хакухо тэр үгэнд нь орсон, хүмүүжилтэй байсан л биз. Тэрнээс биш тэр бол юунаас ч илүү Монголдоо хайртай, Монгол сэтгэлтэй, Монгол хүү юм шүү.

Эцэст нь Монгол хөвгүүд эвт мэх, эр бяраараа гайхуулж байгаад бахархаад бахархаад ханашгүй. Улам сайхан хийморьтой барилдаж, Монголчууддаа сэтгэлийн тэнхээ бэлэглээрэй!

Уран зохиол

2008-11-19T11:24:00.001+09:00

Уран зохиолын ном унших хэрэгтэй. Монгол болоод, дэлхийн шилээвэр зохиолуудыг залуу завтай насандаа аль болох ихийг уншаад авах нь юмыг олон талаас нь хардаг болоход, өөрийн гэсэн үзэл бодолтой болоход, наанадаж хүнтэй ярихад ч гэсэн хэрэгтэй.

Сурагч, оюутан байхдаа өөрөөр хэлбэл залуу насны оргилуун сэтгэлтэй байгаа дээрээ унших нь илүү үр дүнтэй. Сэтгэл хөдлөлтэйгээр уншина, зарим үед уйлаад уншина шүү дээ. Ингэж уншихыг л жинхэнэ унших гэнэ. Нас яваад завгүй болно, дээрээс нь бодол сэтгэл тогтворжоод ирэхээр уран зохиол сэтгэлийн гүнд хүрч чадахгүй. Тийм болохоор залуу байгаа дээрээ сайн унш.

Өнөө үед бидний эргэн тойронд телевиз, интернэт гээд мэдээлэл авах олон суваг байна. Гэхдээ энэ бүх чих дөжирмөөр зүйлээс олж авч чадахгүй зүйл уран зохиолд бий. Тэнд хүний мөн чанар, хүмүүсийн харилцааны ээдрээтэй асуудлууд, ёс суртахуун, хайр сэтгэл гээд интернетээр хайж олоод ойлгож болохгүй зүйлүүдийг өгүүлдэг. Өөртэйгөө ярилцаж, эргэцүүлж бодох боломж олгодог.

Найз нөхөд, дүү нартайгаа уран зохиолын тухай ярилцаарай. Ном солилцож уншаарай. Бичигч одоог хүртэл маш бага уншсан болохоор өөрийгөө хөгширсөн гэж бодохгүй уншина гэж бодож байгаа. Уншаарай гэж зөвлөх ном байна уу?

Ярилцах ину

2008-11-06T11:38:00.003+09:00

Бид өдөр тутам хүмүүстэй ярилцдаг. Найз нөхөд, гэр бүлийнхэн, ажил төрлийн холбоотой хүмүүс, дэлгүүрт, гудманд гээд олон төрлийн хүмүүстэй ярилцдаг боловч яриагаа урьднаас эмхэлж алдаа мадаггүйгээр бодсон санаснаа бүрэн илэрхийлж чаддаг болов уу? Магадгүй ийм боломж хийгээд шаардлага ч байхгүй байж мэднэ. Харин яриаг аль болох үр дүнтэй болгохын тулд

Нэгд. өөрийгөө хянах, Хоёрт. харилцагчаа ажиглах чадварыг өөрийн болгох нь тэргүүний зорилт юм. Ярилцах (харилцах) үед анхаарах 5 хэлбэрийг доор орууллаа.

Давших хэлбэр

Үүнд харилцагчийгаа эсэргүүцэх, яриаг таслах, буруутгах, залхаж төвөгшөөх, өөрийгөө зөвтгөх, сүрдүүлэх, хариу тус нэхэх зэрэг орно.

Ийм яриа бол харилцагчийн зүгээс харахад амиа хичээсэн, шудрага бус, ухаалаг бус гэсэн сэтгэгдлийг төрүүлдэг. Сайн тал гэж бараг байхгүй.

Зайлсхийх хэлбэр (гол сэдэв рүү шууд орохгүй)

Сонсоогүй байдал гаргах, сэдвийг өөрчлөх, ярихаа болих, яриаг хойшлуулах зэрэг орно.

Энэ нь асуудал мухардалд орсон үед шинэ санаа дэвшүүлэх, сөргөлдөөнийг хурцдахаас сэргийлэх сайн талтай ч асуудал шийдэгдэхгүй удах зэрэг сөрөг талтай.

Мэдээлэх хэлбэр (өөрийгөө ойлгуулах)

Санал хүсэлтээ гаргах, асуудалд тайлбар хийх, өөрийн байр сууриа хамгаалах, санаа бодлоо илэрхийлэх зэрэг юм.

Энэ нь харилцагчийн эргэлзээг багасгаж өөрийгөө илүү мэдрүүлэх сайн талтай боловч элдэв баталгаа, тоо баримт, хуулийн тайлбар ашиглах нь "давшилт" гэж хүлээж авах тохиолдол бий.

Нээлттэй хэлбэр

Яриаг анхааралтай сонсох, асуулт асуух, хэрэв санал нийлэхгүй тохиолдолд өөрийнхөө үгээр сольж хэлж үзэх зэргээр сэтгэлээсээ нээлттэй харилцах юм. Ингэснээр харилцагчийнхаа байр суурь, үзэл бодол, хүсэл сонирхол зэргийг мэдэх ба итгэлцэл үүсч цаашдын харилцаанд сайнаар нөлөөлөх болно.

Нэгдмэл хэлбэр

Эхлээд харилцан ижил үзэл бодол, сонирхол зэргийг эрэлхийлнэ. Түүн дээрээ тулгуурласан нөхөрсөг харилцааг үүсгэж цаашдын холбоогоо бататгана. Зүйрлэж хэлэх юм бол дундаа нэг завь хийгээд хөвөх мэт.

Эдгээр таван хэлбэр бол найз нөхдийн, өдөр тутмын энгийн ярианаас эхлээд ажил хэргийн холбоонд хүртэл анхаарахад илүүдэхгүй болов уу. Саяхан танилцсан аятайхан бүсгүйтэй ч хэрхэн ярьснаас их зүйл шалтаална гэдгийг сануулах юун.

...Нэгд. өөрийгөө хянах, Хоёрт. харилцагчаа ажиглах чадварррр... (давтан хэлсээр гарч одов)

Хэн хийх вэ?

2008-10-10T14:21:00.009+09:00

"Салхи оруулъя" гэсэн коммент бичигдсэн байсан учраас болоогийнхоо салхивчийг жоохон нээгээд тоос тортгийг нь үлээлгээд орхий.

Ажил төрөл, Аав ээж, Анд нөхөд, Алт мөнгө, Айл гэр, Авгай хүүхэд гээд Амьдралд "А"-гаар эхэлсэн Асуудал ямар олон юм бэ? Арван хуруу, Арзгар толгойтой төрсөн юм болохоор энэ олон А-нуудыг Аргадаж зохицуулахаас өөр Аргагүй билээ.

За жоохон чухал царайлаадахъя.

Улс орон энх амгалан оршин тогтноход иргэн, хувь хүнээс юу шалтгаалдаг вэ? Боловсрол бол мэдээж - цэцэрлэг сургуулиас нь тогтсон системээр хүүхдүүдийнхээ толгой руу оруулахаас эхлээд бодлогын аргаар дэмжиж болно.

Харин ёс суртахуун, ухамсар, итгэл үнэмшил гэсэн маш чухал хүчин зүйлүүд нь харьцангуй хийсвэр болоод тэр үү, иргэн-хүүхдүүдийн толгой руу тийм ч амархан чихээд оруулчихаж болдоггүй эд ажээ.

Эрт дээр үеэс бүх л улс орны ухаантнууд, янз бүрийн нийгмийн хэлбэрт байхдаа ард түмнийхээ ёс суртахуун, итгэл үнэмшил хийгээд сэтгэлгээний төгс загварийг бүтээж, хэрхэн түүнийгээ үе дамжуулан сайжруулж авч явах тухай бодож боловсруулж ирсэн болов уу.

Жишээ нь европ, америкийн орнуудад иргэн хүнийх нь хүмүүжил, итгэл үнэмшилд христосийн шашин нь хүчтэй нөлөөтэй. Тэд христосийн шашиндаа сэтгэлээсээ сүсэглэн, номлол сургаальд нь итгэнэ. Дээрээс нь тухайн орны онцлогтой холбоотойгоор үүссэн оюун санааны эрхэм нандин зүйлс байна. Америкууд "эрх чөлөө", англиуд "ёс горим, уламжлал", германууд "шилдэг үндэстэн" гэдэг ч юм уу.

Урагшлаад лалын ертөнц рүү орж ирвэл шашных нь нөлөө бүр ч их хүчтэй. Бурхныхаа төлөө амиа золих бол маруужин идэхтэй адил хялбархан хэмжээнд хүртэл итгэл үнэмшил суусан хүмүүс байдаг гэж дуулддаг.

Сайн мэдэхгүй учраас лалын ертөнцийг орхиод ази руу орж ирвэл бурханы шашны нөлөө газар сайгүй байна. Энэтхэг гэхэд шороон түмэн ядуус нь өмсөх хувцасгүй, идэх хоолгүй хэрнээ тэрэндээ уурлаж бухимдаж байгаа хүн байдаггүй. Тийм тэнэг улсууд уу гэхээр мундаг тоочин учраас тэгж хэлэх хэцүү. Энэ нь ердөө л тэдний олон мянган жил бүтээж ирсэн "миний энэ насны хувь төөрөг ийм билээ" гэсэн нийгмийн сэтгэлгээний загвар, итгэл үнэмшил нь юм.

Хятадын эртний бичиг сударт нь "Иргэн хүн нь хааныхаа үгийг үг дуугүй дага. Харин хаан нь иргэн хүнээ үргэлж гэдэс цатгалан байлга" маягийн зүйл байдаг. Иймэрхүү итгэл үнэмшил одоог хүртэл уламжлагдаж ирсэн болохоор хятадууд нэг намынхаа доор удирдагдаад яваад байгаа ч юм билүү, хэн мэдэхэв.

Японы "муу явахаар сайн үх" гэдэг үзэл буюу самурайн ёс бол иргэдийнхээ ёс суртахуун, итгэл үнэмшилд нь гайхалтай сайн уламжлагдан ирсэн байдаг. Амиа хорлох үзүүлэлт нь дэлхийд дээгүүрт орох хүртлээ.

Зиак бодол тэнүүчлэн явсаар Монголд ирнэ биддээ.

Бид юугаар бахархдаг билээ? Онгон зэлүүд байгальтай уудам газар нутаг, Чингис хааны түүхэн гавъяа, тэртээх агуу байлдан дагуулал. Ойрмогхон гэвэл газар доор байгаа асар их алт эрдэнэс.

Тэгвэл бидний ёс суртахуун, хүмүүжил, үзэл бодлын төгс загвар, үлгэр дуурайл юу вэ? хэн бэ? Монгол иргэн-хүүхдүүд гарцаагүй даган тэмүүлэх ёстой нийтлэг итгэл үнэмшил, сэтгэлгээний нандин зүйлс хаана байна? Тодорхой хэлбэл Монгол хүн бол ингэж бодож сэтгэж, ийм ухамсартай байвал зөв гэсэн томъёлол, үлгэр. Тэрийг бичиж боловсруулж байгаа хүмүүс хаана байна?

Огт байхгүй гэж хэлж байгаа юм биш л дээ.

Магадгүй Чингис хаан бол "жинхэнэ" Монгол хүн гэж хэлж болно. Эрэлхэг зоригтой, газар орон, гэр бүл, ард түмнийхээ төлөө амиа үл хайрлан тэмцэх чанар, үнэнч нөхөрлөл гээд олон зүйл зуун зууныг дамжин бидний оюун санаанд шингэсэн нь дамжиггүй.

Дээр нь эртнээс бишрэн шүтэж ирсэн бурханы шашны хүн амьтныг хайрлах, нүгэлийг тэвчих, буян хийх гэсэн сэтгэлгээ ч бас уламжлагдан ирсэн.

Бас мэргэн ардын сургааль гэж зөв бурууг ялгаж салгахад гайхалтай сайн "үйлчилдэг тан" байна.

Харин энэ бүгд хоорондоо учир зүйн холбоос нь сул, ихэвчлэн ам дамжин ирсэн, зөрчилдөөнтэй үзэл санаа, бүрхэг зүйлс ч байдаг.

Орчин үед хүрч ирээд элдэв нийгмийн систем, зах зээл, эрх чөлөө, глобалчлал зэрэг айхтар хурдтай хийгээд чих дөжрөм олон ургалч үзлийн үр дүнд угаасаа бүдэгхэн байсан Монгол хүнд байх ёстой итгэл үнэмшил, ёс суртахуун, сэтгэлгээний нандин зүйл, зөв буруугийн хэмжүүр нэрвэгдэн доройтохын хэрээр ямар ч аргаар болтугай мөнгөтэй болох ёстой гэсэн үзэл бодол л нийгэмд маань улам хүчээ авсаар байгаа нь харамсалтай.

Тийм болохоор дээр бичсэн бүдэгхэн ч гэсэн Монгол хүний дотор байдаг, цаашид ч байх ёстой зөв итгэл үнэмшил, ёс суртахуун, хүмүүжил, сэтгэлгээний эрхэм нандин загвар (эдгээр үгсийг олон давтаж бичиж байгааг өршөөнө үү) гэдэг зүйлсийг нэгтгэн томъёолж гаргах ажлыг оюунлаг хүмүүст даалгамаар байна. Мэдээж ном хэвлээд, хэдэн үг хэлээд болгочих ажил биш. Олон хүн, олон жилийн хүч хөдөлмөр шингэнэ. Магадгүй хувийн ашиг сонирхолоо умартан хийж бүтээх, зөв замаар явахын үлгэр дуулайлыг үзүүлэх "өөрийгөө золиослогч" нар ч хэрэгтэй. Тэгээд үр дүн нь олон жилийн дараа гарна.

Үрийг нь сорлон тариалаад, сайтар арчилж тордох юм бол ургац нь байна шүү дээ:

Ажилч хичээнгүй, үнэнч шудрага, бусдад тусладаг, зоригтой, муу муухайтай тэмцдэг, эх орондоо хайртай, өөртөө бас арчаатай Монгол хүн байх юм.

Хэрэв ингэж чадах юм бол нөгөө их байгалийн баялаг бол тэгтэл чухал хүчин зүйл биш болно. Харин ургуулж чадахгүй бол хэчнээн алт мөнгө байгаад ч...

Нэгэн сайн сайхан ирээдүйн эхлэл

2008-08-15T04:52:00.003+09:00

Өнөөдөр бол гайхалтай сайхан өдөр.

Олимпийн тэнгэрт Монгол улсын төрийн далбаа намирч, төрийн дуулал эгшиглэв. Жудоч Түвшинбаяр авъяас, хичээл зүтгэлээрээ Олимпийн АНХНЫ Алтан медалийг эх орондоо авч ирлээ. Бахархаж байна.

Энэхүү алтан медальд Монголын үе үеийн тамирчид, шилдэг охид хөвгүүдийн хөлс хүч, тэвчээр, итгэл шингэсэн болов уу. Мань мэт нь өнгөрсөн хойно баярын нулимс нэмэрлэв. Мөнгөн медаль хүртсэн Гүндэгмаа бас мундаг шүү.

Монгол гэдэг сэргэлэн цовоо, хэнд ч дийлдэшгүй хүчтэй бас сүрт далбаатай, төрийн дуулалтай гайхалтай сайхан орон байдаг юм гэдгийг дэлхий мартах шахаж байхад нь санууллаа гэхэд хилсдэхгүй байх.

Монгол хүүхэд залуучууд баярлаж байгаа, бахараж байгаа. Эндээс урам зориг, эрч хүч, өөртөө итгэх итгэлийг аваасай. Ийм цөөхүүлхнээ мөртлөө ухаантай, чадалтай, чоно шиг зоригтой Монгол хүн шүү бид гэж хэлмээр санагдаад байна.

Тэр нам мам, баялаг маялаг биш ээ!
Зөвхөн чи! Эрүүл чийрэг, оюун ухаан төгөлдөр МОНГОЛ охид, хөвгүүд. Та нар агуу МОНГОЛын ирээдүй юм шүү!

зураг: энэ хүзүүн дээр асар хүнд ачаа байлаа.

Шалтгаан

2008-07-05T13:28:00.028+09:00

"A great civilization is not conquered from without until it has destroyd itself from within."

"Улс гүрэн эзлэгдэх үндсэн шалтгаан нь дотоодын хагарал бутрал байдаг."

W.Durant

Том Ё

2008-06-10T15:33:00.003+09:00

Нэрт математикч Эйлер (Leonhard Euler 1707-1783) тооны ухаанд хамгийн их хэмжээний ажил гүйцэтгэсэн гэгддэг. Тэгж хэлэгдэх болсон нууц нь тэрээр хаана ч, хэзээ ч ажлаа хийж чаддаг байжээ. Хоол идэнгээ хагас цагийн дотор математикийн илтгэл бичиж дуусгадаг, нялх хүүхдээ өвдгөн дээрээ тавиад судалгааны ажлаа бичдэг байсан тухай яриа байдаг. Тэр их эрдмийн ажлын хажуугаар 13 хүүхэд хийсэн Эйлер маш завгүй байсан байх даа зайлуул. За тэр ч яахав.
Тооны ухааныг ашиглан хэрхэн үзэл бодлын маргаанд ялсан тухай нь энд өгүүлье.

Оросод амьдарч байх үед нь Екатерина хатан хаанаас нэгэн хүсэлт иржээ. Францын гүн ухаанч Дидро ордонд нь ирчихээд бурхангүй үзлийг номлоод хэцүү байна, үүний учрыг олж өгнө үү гэж. Энэ бол Эйлерийн хувьд тийм ч хэцүү хүсэлт биш байлаа.

Алгебрийн онолоор бурхныг баталж байгаа математикч байна гэсэн сургаар Дидро нэгэн илтгэл дээр очжээ. Тэгтэл Эйлер түүнд хандаж:
"Эрхэм дээдэсээ, (a+bⁿ)/n=x байдагчлан бурхан бол оршин байна. Та хариултаа болгооно уу" гэв. Тоонд муу Дидро хэлэх үггүй болж ордныг орхин явсан гэнэ лээ.

Зүгээр үү?

2008-06-06T10:55:00.006+09:00

・Өөрөө бос
Нутгийн залуутай юм яриад алхаж байтал дугуй унасан 3,4 настай жаахан хүүхэд урдаас ирж яваад онхолдоод уначихлаа. Араас нь аав нь юу ч болоогүй юм шиг алхаж харагдана. Найз маань ухасхийгээд жаалыг босгох гэтэл аав нь "зүгээр, зүгээр. өөрөө босчноо" гэжийнэ.
Цааш явангаа би хэллээ. "энэ ёпонууд хүүхдээ унахаар нь ердөө босгодоггүй, багаас нь өөрөө унасан бол өөрөө л босно гэж ойлгуулдаг байх" гэсэн чинь "хэцс, би лав хүүхдээ уначихаад байхад зүгээр харж байж чадахгүй дэг" гэж эгдүүцэж байна.

・Өөрөө бос 2
Нэг ёпон нөхөр: "Түм түжигнэсэн төвийн нэгэн зогсоол дээр шатаар яаран уруудах бүсгүй хөл алдан унав. Хажуугаар нь өнгөрөх олон эрчүүдээс хэн ч түүнд гар сунган тусалсангүй. Очиж тусалдаг юм билүү гэтэл хөөрхий бүсгүй дээр түрүүлж туслахаар очсон хүн нь нэгэн залуухан бүсгүй байлаа. Эрчүүд яагаад хажууд нь эмэгтэй хүн бүдэрч унаж байхад туслахгүй байна вэ? Энэ нөгөө хүйсийн тэгш эрх үү?" гэж бичиж. Энийг уншаад Монгол залуучууд арай ч бас гар сунгах байх гэж бодлоо.

・Надад хамаагүй
Цахилгаан тэргэн дотор жирийн суудал, тусгай суудал гэж хоёр янзийн суудал байдаг. Тусгай нь өндөр настан, х.б. хүмүүс, жирэмсэн эмэгтэй гэсэн хүмүүс сууна. Харин жирийн суудал бол тэдэнд хамаагүй, жирийн суудалд суусан хүн бол дээрх хүмүүст суудал тавьж өгөх шаардлаггүй гэсэн үг.
Бас зөвхөн эмэгтэйчүүдэд зориулсан цахилгаан тэрэг гэж бий. Өглөө оройны чихэлдээнтэй үеэр эмэгтэйчүүдийн биед хүрч оролдох явдал гардаг учраас тэр.
Бичигч арван жилд улаан "кароса" автусаар хичээлдээ явдаг байсан үеээ саналаа. Ахмад настай хүн, жирэмсэн эмэгтэй орж ирвэл ааштай кондуктор ажаа "алив суудал тавьж өгөөрэй, чи босооч" гээд л хангинаж гарна. Эргэн тойрны хүмүүс ч гэсэн залуусыг хэлж босгодог байлаа. Хэрвээ эмэгтэй хүний биед хүрч оролдоод байгаа гаж нөхөр байвал Монгол залуучууд газар дээр нь дэлсээд өгнө дөө гэж бодов.
Бас тэр үед "арын суудал дээр зогсоод байгаа залуу буугаарай" гэтэл Оргилболд ах хээвнэг сууж байдаг байлаа... гэж бүлт үсэрсэн учраас дуусгая.

Хэн ч чамд туслахгүй, чи ч туслах шаардлагагүй...
аа эсвэл
Чи хэн нэгэнд туслана, хэн нэгэн нь чамд туслана...

The Rose That grew From Concrete

2008-04-28T00:39:00.005+09:00

Цементний завсраас ургасан сарнайны тухай чи дуулсан уу
Байгалийн хуулийг зөрчөөд хөлгүй хэрнээ тэр алхсан
Хачирхалтай хэрэг шүү, гэхдээ тэр мөрөөдлөө гээгээгүй учраас цэвэр агаар амьсгалахыг ч бас сурсан
Цементний завсраас ургасан сарнай, удаан амьдраарай, хэн ч тоохгүй байсан ч! 2pac-ийн 19 настайдаа бичсэн шүлгүүд орсон "The Rose That grew From Concrete" гэдэг ном авлаа. Хамгийн эхний шүлэг нь энэ. Заваараа нэг нэгээр нь оруулнаа. Монголоос өчигдөр ирээд цуг пиав уунгаа хүн уншаад үг үсгийг ойлгохоор болоход тусалсан Буржаак-д баярлав.

Untitled

2008-04-03T14:38:00.003+09:00

Болоог чинь дараад нь уншаад тухайн цаг үед яаж хэлбэлзэж байсныгаа харж баясаж болдог юм байна гэдэг утгаар санаандаа орсноо бичих тул энэ бичлэгт хүнд хэрэгтэй зүйл байхгүйг урьдчилан анхааруулах нь зүйтэй байх.

Дандаа хачин хачин юм бодож байгаа. Зуслан дээр халуун ам бүл, хамаатан садангаараа цуглаад залуучууд нь гадаа мах шарж идэнгээ элдвийг ярилцан инээлдэнэ. Байшин дотор ахмадууд даалуу тоглонгоо ховор сонин зүйл хуучлана. Хүүхдүүдийн хашгиралдан тоглох дуу уулын амаар тасрахгүй цуурайтах ийм л нэг зуны нартай өдөр энэ бүхнийг ажиглаад байжийсан байхгүй юу. Энийг л аз жаргал гэдэг юм байна дөө гэх бодолтой зэрэг удахгүй энэ бүгд ор сураггүй алга болно доо гэх бодол бас орж ирж байгаа юм. Тэгж хэлсэн чинь нэг нөхөр "үгүй, жаргалтай сайхан мөчүүдийг байдаг тэнхээгээрээ мэдэр, зүгээр л баяс" гэнэ. Тийм ч байж магад, үгүй ч байж магад... Бодноо.

Болоог бичихгүй бас найзууд руугаа мээл бичихгүй байгаа. Яагаад гэвэл сэтгэлээрээ холбоотой байгаа гэж далийх яахав. Бичнээ.

Ганц нэг сэртификат авах нь зөв юм гээд ном авчугаан, бас уран зохиолын зузаан ном, гадгаад хэлэнд хэрэгтэй гээд гадгаад хэл дээр ном, бурхны ном, эротик ном, зурагтай ном, зугаатай ном. Тийм ч учраас би номдоон хайртай (далийхгүй). Дуустал нь уншсан ном нэг ч байхгүй. Уншнаа.

Пийв ууна, тамхи татна, биеийн тамир хийхгүй болохоор мах болно. Энэ маягаараа монгол хүний дундаж наслалтаас хойш нь чангааж магадгүй учраас том хамартай найзын жиймэнд яв! гэдэг бол хамгийн зөв. Явнаа.

Цааш нь бичүүл "монголоос гутал захих нь зөв үү буруу юу?", "усанд өглөө орсон нь дээр үү, орой орсон нь дээр үү?" гэх мэт хэнд ч хэрэггүй юмнууд бол байна. Иймээс энэ хавьд хүчээр дуусгав.

ЭНЭРЭНГҮЙ СЭТГЭЛ

2007-10-20T13:51:00.000+09:00

Их хөлгөний уламжлалыг хадгалах төвийн
Монгол дахь салбарын номын багш Гэлэн лам Түвдэн Жамцын

БУДДИЗМ БИДНИЙ АМЬДРАЛЫН ХЭМНЭЛД...
номын хэсгээс
---------------------------------------------------------------------------------------------------

ЭНЭРЭНГҮЙ СЭТГЭЛ

　Энэрэнгүй сэтгэл бол амьдралын гачаал, зовлон тулгарсан нэгнийг ойлгон мэдэрч, тэдэнд туслах санаа бүхий буяны сэтгэл бөгөөд энэ сэтгэлийг их шашнууд дээдлэн хүндэлж, номлодог билээ. Энэрэнгүй сэтгэл нь Бурханы шашинтан хүний амьдрах хэв маягийн хоёр тулгуурын нэг нь бөгөөд удаах нь, бидний зовлонгийн уг гарвал ба түүнээс гэтлэн гарч түр зуурын хийгээд туйлын амар амгаланд хүрэх аргыг танин мэдэх билиг ухаан байдаг. Өөрийн дүр төрхийн (имиж) хуурамч мөн чанарыг алдаагүй үнэнээр таньсан уг билиг ухаан нь муу сэтгэлийн үндэсийг тасалж, үүрдийн амгаланг олгодог. Өөрийгөө хэрхэн авч үзэх талаархи төөрөгдөл нь амьдарлын хүрдэнд олон дахин төрөл авахад хүргэдэг. Бурхан багшийн сургаал ёсоор, буяны үйл нь их амгалан орны тэнгэр хийгээд хүний төрлийг олоход хүргэдэг бол нүглийн үйл нь адгуус, тамын амьтан, цөл газрын өлсгөлөн бирд болж төрөхөд хүргэдэг. Эдгээр бүх төрлүүд түр зуурын байдаг учраас удалгүй үхэж, үйлийн үрээсээ хамааран өөр төрөлд төрцгөөдөг. Энэ хүрдний хаана ч бодит байдлын тухай төөрөгдөл болон түүнээс үүдэн гардаг зовлонгоос эрх чөлөөгүй байх учраас хүрдэн дотор төрөл авдаг бүх төрөлхтөнийг энэрэнгүй сэтгэлээр тэтгүүштэй.
　Сансарын хүрдэнд хүлж байгаа цалмыг тасалсан цагт л гагцхүү зовлонгоос бүрэн гэтэлнэ. Энэ бол бүхнийг устгаж үгүй болгох юмуу бусдыг орхиж байгаа хэрэг бус. Энэ бол жирийн амьдралд тохиолдох бэрхшээлд хорлогдолгүй эрх чөлөөтэйгээр оролцох буюу энэ ертөнцөд байгаа хирнээ энэ ертөнцийнх биш байхыг хэлж байгаа юм. Ийм байхыг хичнээн их хүсэж залбирдаг билээ дээ?
　Хэдийгээр бид тодорхой хэмжээгээр энэрэнгүй сэтгэлтэй боловч голдуу жигд бус бөгөөд хүчгүй байдаг. Зарим хүмүүсийг хайрлан, нөгөөд дургүй хүрнэ, дуртай хүмүүстэйгээ ч гэсэн тодорхой хязгаарт нөхөрлөдөг. Миний анхны лам багш нарын нэг Түвдэн Ешэ багш барууны орны шавь нарынхаа хооронд болдог өчүүхэн юманд маргаж, өрсөлдөж, атаархаж, уурлах гэх мэт байдлыг анзааран, тэдэнд хандаж: “Та нар хүмүүс байж нэг нэгийгээ гэрийн тэжээврээ хайрлахаас ч доор байгааг хараад би гайхширч байна” гэж билээ.
　Би одоо хүртэл ийм нэг бэрхшээлтэй тэмцсээр байгаа. Үүнд: надад дургүй юмуу үнэлэмжийн хувьд тэс өөр хүмүүсийг энэрнэ, сайн сайханд нь санаа тавина гэдэг хэцүү байдаг. Хүн өөрийн өссөн нийгмийнхээ ёс суртахуунд тулгуурласан ертөнцийг үзэх үзэлтэй болж, өөрт хуримталсан туршлага, итгэл үнэмшилээр цутгасан хэв загварт орсон байдаг. Хүн бүр өөрийнхөө үнэлэмжийг мэдээж хамгийн зөв гэж боддог, хэрвээ тэгж боддоггүй бол түүнийг баримтлахгүй шүү дээ. Өөрийгөө төвчлөх дотоод үзлээс шалтгаалж бидний үзэл бодол амиа хичээх бодлоор бохирддог тул бусдын үзэл бодлыг ойлгох юмуу хүлээн зөвшөөрөхөд хаалт болдог. Үүнээс болж өөрчлөлтөнд эсэргүүцдэг. Өөр сонголтын хандлагад нүдэн балай болж, өөрийн бодолдоо хөдөлшгүй хатуу зогсож, түүндээ мугуйдлан туйлшрагч хүн болон хувирч энэрэхүй сэтгэлийг огоорч орхидог.
　Тийм биш байхыг би өөрөө хичнээн хүсэвч өөрийгөө мугуйдлагч гэдгээ мэдэрдэг. Гэхдээ тийм ч бүр хөдөлшгүй хатуу биш байж магадгүй, Ешэ лам багшийнхаа бусдыг ажиглаад, үзэл бодлыг нь хүндэлж үзэхдээ гайхамшигтай уян хатан, түвшинд нь харьцдаг чадварыг нь дуурайх бололцоо байгаа. Энэ нь өөрийгөө доорд түвшинд аваачиж байгаа юм шиг санагдах юмуу тийм ч байж магадгүй, гэхдээ өөрийгөө доошлуулж байгаа хэрэг мөн, биш эсэх нь тухайн хүний чин энэрэнгүй сэтгэл хийгээд түүний тулгуур билиг ухаанаас хамааралтай.
Өөрийгөө төвчлөх үзлээс үнэхээр чөлөөтэй болно гэдэг нь бусдад хэрэгтэй дүрийг сонгох чадвар ба өөрийн гэсэн жүжгээ тавьж чадахыг хэлнэ. Амьдрал сайхан болж, хэтэрхий нухацтай байх алдааг гаргалгүйгээр бусдад тусалж чадна. Тэр нь зөв, энэ нь буруу гэж хатуу тогтоосноос болж бүх уян хатан байдлыг алдаж, өөрийн санааг зөв гэж баттай хамгаалах, эсрэг санаа болон түүнийг баримталж байгаа хүмүүсийг дайран үгүйсгэх үүрэгтэй гэж боддог. Дараагаар нь, бусадтай харьцаж чадахгүй болдог. Гэхдээ зөв, бурууг ялгаж салгаж болохгүй гэсэн үг биш, харин тухайн хүн, зарчим хоёрын хүн нь илүү үнэтэй, хүнийг өөрчилж болно, зарчмыг өөрчилж болохгүй юм.
　Хоол унд, орон байр, эм тан зэрэг түр зуурын амарыг энэрэнгүй сэтгэлээр өгөх нь сайн, гэхдээ хангалтгүй. Бусдад үнэхээр туслахын тулд зовлонгийн үндсэн шалтгаан буюу би хэмээх мунхаглалыг хэрхэн таних, түүнийг гэтлэн давах аргыг зааж өгөх хэрэгтэй юм. Тэр нь өөрийгөө төвчлөх мунхаглалыг даван туулахыг шаардахаас бус ном бичигт зөвхөн итгэхийг хэлэхгүй. Хүмүүсийг өөрсөддөө хөнөөлтэй тогтсон зуршлаа орхиход нь урам зориг нэмэхийн тулд тэдэнтэй харьцаж чаддаг байх ёстой. Тэдэнтэй харьцахын тулд түвшинд нь зохицуулах ёстой. Амьдралын тайзан дээр тоглож байгаа жүжигчин гэдгээ санаж чадаж байгаа цагт өөрийн зарчмаас ухарсан гэж айлгүй, зарчимдаа үнэнч байх тал дээр санаа зоволгүйгээр бусадтай учир начиртай харьцаж чадна. Билиг ухаан түшсэн энэрэнгүй сэтгэл бол амьдралын төгс дүүрэн бөгөөд ариун зорилго мөн тул үүнийг хэн ч няцааж чадашгүй. Бидний энэрэл бусдад тайвшрал, аз жаргалыг хүртээх бөгөөд түүний зэрэгцээ бусдад хайр, энэрэл хүртээснээрээ хариуд нь өөрөө дээдийн аз жаргалыг мэдэрдэг.
　Та тэгвэл ”Хортон амьтан, хүнийг мөн энэрэх хэрэгтэй гэж үү? Тэд нар зовж л байвал зохих шагнал нь тэр гэж баярлах хэрэгтэй юу? гэж асуух байх. Энэ асуултад шууд “Үгүй” гэж хариулна. Зовлонг Ертөнцийн эзний гэсгээл эсвэл муу үйлийн боловсрол гэж үздэг талтай ч бүгд л жаргахыг хүсдэг, зовлонгоос зайлсхийдэг нь яг адил учраас хортой гэж бодож байгаа хүн, амьтныг ч энэрэх хэрэгтэй. Үзэн ядах хийгээд бусдад зовлон хүсэж, өс хонзон санах нь компьютерийн хэллэгээр “үхлийн алдаа” юм. Уураар амар тайвныг хэзээ ч бүтээдэггүй ба харин ч бэрхшээлийг улам ихэсгэдэг. Амгалан хийгээд зовлонгийн жинхэнэ шалтгааны талаарх төөрөгдлөөсөө болж бид бүгд алддаг боловч үр хүүхдээ алдаа гаргасан ч уучилж, хайрласан хэвээр байдаг шиг бусдын алдааг мөн нигүүлсэн хайрлаж чаддаг байх хэрэгтэй. Гэхдээ алдаатай буруу явдлыг өөгшөөж, шийтгэж болохгүй гэсэн үг биш; эсэргүүцэл, тэр байтугай шийтгэлийг ч гэсэн энэрэнгүй сэтгэлээр үйлдэж болдог.
　Яагаад бүгдийг хайрлах албатай юм бэ? Яагаад гэвэл, бид урьд төрөлдөө төрөлхтөн бүхэнтэй удаа дараалан ойр шадар байсан юм. Хамаг төрөлхтөн урьд нь бидэнд зүйрлэшгүй их сайхан сэтгэлээр хандаж байсан бөгөөд бүгд бидний садан учраас тэднийг хайрлах нь зүй ёсны хэрэг.
　Эдгээр үгсийг би их энэрэнгүй Ешэ багшийн айлдвараас сонссон бөгөөд та бүхэнд давтаж хэлж байгаа юм. Тэглээ ч гэсэн би одоо болтол хувиа бодох үзэлтэйгээ тэмцэж байгаа бөгөөд тэр нь энэрэнгүй сэтгэл төрүүлэх чадварт саад учруулдаг. Буруу зуршлыг нэг өдрийн дотор өөрчилж чадахгүй нь ойлгомжтой. Тийм болохоор өөртөө л өчүүхэн энэрэх сэтгэл үзүүлж дураараа явна.

3D цонхнууд

2007-08-22T20:09:00.001+09:00

Windows XP дээр ч гэсэн цонхнуудаа ингэж байрлууж харж болно. Үнэгүй программ учраас завтай хүн байвал сонирхоорой.

Татаж авах:
http://www.softpedia.com/get/System/OS-Enhancements/Modotate.shtml

Маниакууд кодыг нь харах бол:
http://www.ksky.ne.jp/~seahorse/mtate2/file/mtate20202src.lzh

Хүлээц

2007-08-20T17:02:00.000+09:00

Сая нутагтаа хариад 2 дахь өдрөө найздаа "жоохон хүлээцтэй байл даа" гэж хэлүүлж орхидог байна шүү. Яагаад ингэж хэлүүлэв, би тийм яаруу сандруу харагдав уу гэж бодоод түүн рүү гайхан харсан чинь харин "сүүлийн үед энэ үгийг хэлэх дуртай болоод байгаан" гэнээ. Ёох(тайвшрав).

"Жоохон хүлээцтэй байл даа" гэлээ гэнээ. Ингээд гадуур явахдаа хүмүүс хүлээцтэй байгаа эсэхэд анхаарах болов.

Хоолны газар орлоо. Хоолоо захиалчихаад хүлээгээд л байлаа, иргэд ч бас надтай адилхан хүлээгээд л байлаа. Нэлээд удаан хүлээлээ. Тэсвэр алдахын даваан дээр эргэн тойрноо харсан чинь хэн ч над шиг чөтгөр бүүвээлэхгүй бас сортолзолгүй Энх Амгалан хааны хамаатнууд шиг тайван сууцгааж байна. Хүлээцтэй байна тээ.

Дараагийн өдөр нь таксиний жолоочид "намайг гялс гарч ирэхгүй бол явчихааарай" гэж хэлчихээд нэг тийш ортол оочер дугаар гэсээр 10-аад минут боллоо. Гараад ирэхэд хүлээгээд байж л байлаа. Уг нь тэр хүртэлх мөнгөө төлчихсөн дээрээс нь таксинд суух гэсэн хөдөлмөрчид замын хашлага дээгүүр эгнээд зогсож байхад яваад өгвөл хэн ч байг гэхгүй дээ, бас л хүлээцтэй байна шүү. Цааш давхиж байтал энэ удаад жолооч гуай урдаа яваа микроавтусыг дуут дохиодож зогсоогоод жолоочтой нь яриа дэлгэлээ. Найз нь болтой.

"Юу хийгээд байнаа?"
"Юу хийх вэ? Өдөртөө унтаж байгаад сэрүүн орохоор гарч байна даа"
"Тарваганд явъя, хөөш"
"Тэгийлдаа"
"За яг явийшүү, алга болов оо лүдээ, Цагаанаад хэлээрэй"

Энэ яриаг дуустал нь сонссон би өөрийгөө маш хүлээцтэй байгааг анзаарлаа. Муугүй хэрэг.

Ингэж тэгэж явсаар болзооноосоо 1 цаг хоцорч очлоо. Гэхдээ би санаа зовж сандрахгүй байлаа. Яагаад гэвэл би хүлээцтэй. Хаалгыг татан орвол бүгд намайг энгийн бөгөөд эротик аястай ... ???*!"$%"#&%!
ХӨӨШ юун эротик мэротик гээд хадуураад явчихав аа. Зүгээр найзууд маань хүлээж бачимдсан шинжгүй тайван байцгааж байсан юм.

Харав уу, тэд ч бас хүлээцтэй байна.

Нэгэн захидал

2007-05-22T00:15:00.000+09:00

Найз Амарсанаад ирсэн захидлыг уншаагүй хүн байвал уншаасай гэж бодоод өөрөөс нь зөвшөөрөл авч энд байрлууллаа. Энэ хавар сургуулиа төгсч, амьдралд хөл тавьж буй залууст зориулж байна.

...Миний нэг танил Япон хүн байдаг юм. Монголын төлөө үнэхээр сэтгэл гаргадаг, маш их юм хийсэн хүн. Албан тушаалыг сонсвол аягүй том хүн ч их энгийн, хэнийг ч ялгалгүй сэтгэлээсээ ханддаг ёстой хүндэлмээр хүн байгаа юм. Тэр хүнтэй хамт Монголын хөдөө аймгийн сургуулиуд, хүүхдийн асрамжийн төв зэрэг газруудаар явж үзсэн. Тэгэхэд "Хаа хамаагүй Монголын төлөө ингэж зовж явж яадаг байнаа, настай хүн биеэ бодоосой" гэж бодогдмоор байдгийн. Өөрийгөө хайрлахгүй зүтгэдэг үнэхээр сайхан хүн.Тэр хүнээс маань өнөөдөр сургууль төгссөнд баяр хүргэсэн мэйл ирсэн байна. Үнэхээр гоё юм бичсэн байсан болохоор заавал найзуудтайгаа хуваалцмаар санагдаад..Тэгэхдээ бүрэн эхээр нь тавьж түвдсэнгүй хэсэглэж авсан хэсгүүдийг доор тавьлаа.

...現状は決して美しくないモンゴルですが、モンゴルの次の世代を担うあなたたちが希望です。時代が変わるためには時間が必要なのですから、待つしかありません。...(敗戦後は)社会の大変動、貧しさ裏切りや、絶望、不安の時代にかすかにある美しさや明るさ信頼などを喜ぶ気持ちが私の家庭内に満ちていました。...あなた...たちがみんなでそれぞれの力をより集めて、夢も希望もあるモンゴルの国を目指してください。私も手伝うからね。一人一人が自分の力を出し合うことが大切なのです。新たな、出発を、心から祝います

(монгол хэл рүү орчуулсан Zuka)
...Өдийгээр Монгол хэдий тааламжит бус байдалд байгаа ч, Монголын залгамжлах үеийг нуруундаа үүрэх та бүхэн найдвар нь билээ. Цаг үе өөрчлөгдөхийн тулд хугацаа шаардлагатай байдаг учир, хүлээхээс өөр зам алга. ...(дайнд ялагдсаны дараах) нийгмийн том өөрчлөлт , ядуурал болон хууран мэхлэлт, итгэл найдварын үгүйрэл, сэтгэл тогтворгүй байдал ноёлсон тэр үед өчүүхэн төдий ч гэлээ байгаа үзэмж, гэрэл гэгээ, итгэл найдвар бүхнийг баярлан хөөрдөг сэтгэл миний гэр бүлээр бялхаж байж билээ. ...та...бүхэн тус тусын хүч чадлаа нэгтгэн нийлүүлж, хүсэл мөрөөдлөөр бялхсан Монгол Улсыг зорьцгоогоорой. Би ч мөн туслалцах болно. Хувь хүн бүр өөрийн чадлыг гарган нийлүүлнэ гэдэг хамгийн чухал билээ. Шинэ эхлэлд тань үнэн сэтгэлээсээ баяр хүргэж байна.

Орос ардын онигоо

2007-05-11T17:21:00.000+09:00

Монголын анхны 3 ерөнхийлөгч тамд очжээ. Эрлэг Номун хаан тэднийг шийтгэхээр болов.
-Тэр том шар! нэр хэн бэ?
-Энхбаяр
-"Э" үсгээр эхэлсэн болохоор эрхий хурууг чинь тасданаа. Эрхий хурууг нь тасдав.
Энхбаяр дотроо "хийсэн нүглийн минь дэргэд бол гайгүй ээ" гэж бодов.

-Дараачийн тэр нүүрийн буянтай! нэр хэн бэ?
-Очирбат
-"О" үсгээр эхэлсэн болохоор олгойг чинь авнаа. Олгойг нь авав.
Очирбат дотроо "ёх, гайгүй өнгөрлөө" гэж бодов.

Гэтэл Эрлэг Номун хаан Багабанди руу харснаа:
-Тэр сүүлчийн сахалтай жижиг! яагаад гэнэт царай чинь цонхийгоод явчихав аа?!

ҮНАЖ гэж юу вэ?

2007-03-20T10:01:00.000+09:00

Гимлайн уулсын дунд орших жижиг улс Бутан нь ДНБ-ээрээ дэлхийд 161 дүгээрт ордог. Энэ улсын бодлого зарчим нь бусад орнуудын анхаарлыг татсаар байна. Яагаад гэвэл ҮНБ（Үндэсний Нийт Бүтээгдэхүүн), ДНБ(Дотоодын Нийт Бүтээгдэхүүн) зэрэг үйлдвэрлэлийн хэмжээг илэрхийлдэг "Бүтээгдэхүүн" биш"Аз Жаргал"-ыг үндэс болгосон "ҮНАЖ(Үндэсний Нийт Аз Жаргал)" гэдэг ойлголтыг улсынхаа бодлогод албан ёсоор оруулсан явдал юм. Басчгүй энэхүү томъёолол нь НҮБ-аас үнэлэгдсэн төдийгүй, 2005 онд японы засгийн газраас энэ сэдвээр симпозиум хүртэл зохиогдсон байна.

Гэвч "аз жаргал" гэдэг бол ихээхэн хийсвэр ойлголт. Яаж хэмжих болж байна? Ер нь ийм боломж байгаа юм уу?

1976 онд Бутан улсын ван нь "ҮНБ-ээс ҮНАЖ нь илүү чухал юм" гэж хэлснээр энэхүү ойлголт анх гарч иржээ. Вантан тухайн үед 21 настай байсан бөгөөд хэр зэрэг гүнзгий бодож боловсруулсан нь тодорхойгүй.

"Аз жаргалыг мэдрэх мэдрэмж бол хувь хүнээс шалтгаалаад янз бүр. Тухайн хүн юуг аз жаргал гэж үзэх нь өөр өөр учраас үүнийг тоогоор илэрхийлэх нь утгагүй юм. Харин аз жаргалыг бүрдүүлэгч зүйлс, аз жаргалыг мэдрэхэд зориулсан нийгмийн зохицуулалт буюу жишээлбэл боловсрол, эрүүл мэндийг тоогоор илэрхийлэх боломжтой болов уу. Бутанд 1.эдийн засгийн өсөлт хөгжилт, 2.түүх соёлыг хамгаалах дэлгэрүүлэх, 3.байгаль орчны хөнөөлгүй хэрэглээ, 4.нээлттэй сайн төр гэсэн дөрвөн үзүүлэлтийг ҮНАЖ-ын тулгуур багана гэж үзэж эдгээрийн тоон үзүүлэлтэд ач холбогдол өгч байна."

Аийн!? тэгэхлээр эдийн засгийн өсөлт хөгжилтийг илэрхийлэгч ДНБ ч гэсэн чухал гэсэн үг үү?

"Эдийн засгийн өсөлт бол орхигдуулж болшгүй элемент юм. Гэвч хүн ардад гай зовлон авчирсан байгалийн гамшгийн дараах үед ч юм уу, эсвэл гэмт хэрэг нэмэгдээд хамгаалалтын хэрэгсэл зарагдаад ирэх үед ч ДНБ-ий тоо хэмжээ өснө. Тийм учраас эдийн засгийн өсөлт, хүний аз жаргал хоорондоо заавал шууд хамааралтай биш юм."

"Та аз жаргалтай байна уу?" гэсэн шоглоом ч гэмээр асуулт Бутаны хүн амын тооллогын үеэрх судалгаанд байдаг юм байна. Энэ асуултанд иргэдийнх нь 3% нь "Үгүй" гэж хариулжээ. Монгол хүмүүс ийм асуултад юу гэж хариулах бол?

Үдийн цайгаар...

2007-02-27T13:08:00.000+09:00

Монголчууд яагаад ийм цөөхүүлээ юм бол? Энэ тухай хоёр хүний яриаг сонсоцгооё.

Нэгдэх хүн, монголын түүхийг шаггүй мэддэг инжнэр залуу. Ингэж байна: Хүн гэдэг амьтны амь амьдрал, тоо толгой нь хүнс тэжээлийн нөөцтэйгөө шууд холбоотой буюу их хүнс тэжээлтэй бол их хүн амтай гэсэн үг. Жишээ нь азийн будаа иддэг хятад зэрэг орнууд будаа шигээ олон хүнтэй байдаг. Будаа гэдэг нь жилд хэд хэдэн удаа ургац авдаг маш олон хүнийг тэжээх чадвартай хоол учраас бижигхээн арал дээрх ёпонууд хүртэл 100 хэдэн сая болтлоо үржжээ. Монголчуудын гол хүнс тэжээлийн нөөц мал нь тодорхой хэмжээтэй бэлчээрт тодорхой тоо толгойноос хэтэрдэггүй юм байна. Тэр тодорхой тоо нь 20, 30 сая мал болоод 2, 3 сая хүнийг л тэжээх чадвартай байдаг гэж. Сонирхолтой л юм. Хүнсээ яаж нэмэгдүүлэх вэ? хүмсээ.

Хоёр дахь хүн болохоор хими биологийн чиглэлийн хүн. Нэг удаа шинжилгээ судалгаагаар явж байхдаа удвал гэдэг цэцгийг хайсан гэнэ.Маш үзэсгэлэнтэй, нарийн бүтэцтэй чухамдаа бол шилдэг сортын тэр цэцэг ямар ховор ургадагийг их гайхсан гэж байгаа. Харин жирийн шар цагаан цэцэг болон хогийн ургамал бол хаа сайгүй бөөн бөөнөөрөө ургадаг гэж. Хүн ч гэсэн байгалийн амьтан учраас ижилхэн байх учиртай.

Та бүхэнд сонирхолтой санаа байвал хэлээрэй.

* * *

Үүрээр унтаж байгсдыг сэрээхгүйн тулд өлмий дээрээ гишгэн коридороор явж байхад гал тогооны радионоос намуухан эгшиглэхэд нь огт тоодоггүй байсан энэ аяыг хисабисани (ойр хожид сонсоогүй байжаагаад) сонссон чинь өөрийн эрхгүй босож, нутгийн зүг харан цээжиндээ гараа тавьж зогсоод гүн хүндэтгэлтэйгээр чагнав.
(татаж авах)

Радио гэснээс монголын радиогоор "Араатан архирна...Бид нар бархирна...Хар тас хаа ч явсан сийхгүй..." гээд цоглог дуу яваад дуусж л.
Тэгсэн чинь 3-4 секунд чимээгүй байсны дараа "тэдэн цаг болж байна" гэж хэлдэг эгчийн танил хоолой:
"Эстрадын Хар тас хамтлаг дууллаа" гэдэг байгаа.Сүртэй.

Том Жэри хоёр

2007-02-11T13:30:00.000+09:00

Он цагийн эрхээр Том хөгширч өөд болжээ. Том бол Жэригийн хувьд олон жил хөөцөлдсөн заналт дайсан, эрлэг нь байсан ч гэсэн өөд болсноос нь хойш Жэри нэг л цог золбоогүй болж орхив. Хэдийгээр айх аюул багассан ч хааяа бүр Томыг зүүдлэх ч үе байлаа.

Нэг өдөр хөгшин Жэри бор ходоондоо юм олж хийхээр үүрнээсээ гараад урамгүйхэн явж байтал гэрийн эзний шинэхэн анд, залуу муур түүнрүү дайрав. Хөлийн хурд мэдэн зугтаах Жэри, залуу муур хоёрын хоорондох зай улам бүр багассаар. Мууранд бариулж үзээгүй ч гэсэн хөгшин Жэри яагаад ч юм тэгтлээ айхгүй байлаа. Зугтааж байхдаа Жэри ингэж боджээ. "Өдөр болгон шахуу хөөцөлдөхдөө Том намайг нэг ч удаа гүйцээгүй юм байна шүү."

Залуу муурын хурц хумснууд биед нь шигдэн орж ухаан балартан, нүд бүрэлзэхэд Жэри ахиад Томын тухай бодлоо. "Том бол надаас том биетэй, хүчтэй, хурдан. Гэтэл яагаад намайг гүйцдэггүй байсан юм бэ?"

Диваажингийн үүдээр Жэриг орж ирэхэд Том сүүлээ гозолзуулан үсрэн дайрлаа. Жэри ч сурсан зангаараа жирийлгэж гарав. Гэхдээ огт аймшигтай байсангүй. Бүр албаар бүдэрч унаж, удаан гүйж ч үзэв. Том үнэхээр гүйцэхгүй байлаа. Жэри хөгжилтэйгээр гүйж байхдаа ингэж боджээ.
"Том, би чамтай уулзсандаа баяртай байна. Чи бол жинхэнэ найз!"

Торгууль

2007-01-30T10:57:00.000+09:00

Үлдсэн нэгийгээ хүлээгээд найзтайгаа Сүхбаатар жанжны хөшөөг тойрсон гинжин дээр сууж байснаа юу нь хатгасийн бөө мэд хөшөө рүү авирч гарлаа. Доороос нь харахад гайгүй байсан чинь авирахад нэлээн өндөр бас эвгүй байна шүү. Арай гэж морьны бөгсөн дээр гараад жанжны тохойноос сугадсан чинь аймар том, бараг л тэвэрхээр юм байдаг байгаа. Тэгтэл доогуур явж байсан япон жуулчид шаагилдаад л зураг авч байна. Би ч ичиж зовохыг мэдэх биш өөдөөс нь даллаад л, жанжинтай ижилхэн pause аваад л элдэвлэж өглөө. Манай найз санаа нь зовсон болтой нэлээн хол очоод зогсчихож.

Гэнэт доор байсан зурагчдын нэг, ширүүн байрын нөхөр "Хөөе, чи буугаад ир!" гэжийн. Би ч буулаа. Тэгсэн чинь шууд чихдээд хөрөнгийн биржийн тэнд байдаг цагдаагийн путкэнд аваачив. "Энэ нөхөр Сүхбаатартай сундалдаж байна" гэдэг байгаа. Тэгээд яахав, хуушуур идэж, мортал тоглох гэж ээжээсээ авсан 500 төгрөгөөөрөө торгуулсым даа.

Ай көөркий, күүкэд нас минь, сайхан Улаанбаатар минь.

Та бүхэнд ч гэсэн Сүхбаатарын хөшөөтэй сайхан дурсамж бий л байх. Ганбаа, Баярсайхан нарын хэлсэнчлэн утаан дундаас Сүхбаатарийн хөшөөг олж харах юм бол "Хн, тавьтаргүй золиг шдээ" гэж миний тухай нэг бодчоорой. :)

Бүгдээрэнд чинь амжилт!

Оддын дайн

2007-01-25T18:42:00.000+09:00

Урждар сансарт тэсрэлт шиг юм харагдав. Юу болж байна энэ чинь, оддын дайн нь эхлэв үү гэж дэлхийн цагдаа амэрх ах сандрав. Сунадаг дурангаараа хартал яах аргагүй нэг юм шатаад байхаар нь болдоггүй хэдээсээ асуусан чинь хятадууд өөдөөс нь харин "аан тийн, бид нар хуучин хиймэл дагуулаа буудаж дэлбэлсийн" гэж хээвнэг хариулжээ. Тэгсэн нэг амэрх нөхөр "энэ хятадууд манай 50 гаруй хиймэл дагуулуудыг сөнөөх туршилтаа хийж байна. Ах дүү орнуудийн хамтын нийгэмлэгт занал хийлэв" гэж сүржигнэхэд япон зэрэг зарим орны томцуул "хуучин юмаа устгана уу, яана уу бяданд ямар хамаа байхав, гэхдээ хэлтэрхий нь бид нөхдийн зулай дээрээс унаж мэдэх учраас болчимгүй юм хийжээ" гэж айлдав.

За ямар ч байсан урд хөршийнхэн сансар мансар гээд дээгүүр жаалж байх хоорондуур Хүдэр хүү энэ хавиар хуучин ховор дуу нэгийг олж авлаа.

Дун пан хуа та янь ши
Зунгуа цулай ига Мао Зэ Дун
Дорно зүгт нар мандлаа
Хятадад Мао Зэ Дун төрлөө

(1950-иад оны үед энэ дууг монголын бага сургуулиудад заадаг байжээ. Хүүе, дунд нь "ига" гэжийн!?)

Жанрын хямрал

2007-01-24T13:37:00.000+09:00

Ketsumeishi гэдэг хамтлагт анх их дургүй байлаа. Яагаад гэвэл тэр үед энэ хамтлагт нэг хүн дуртай байсын. Харин одоо бол би дуртай.

Эртээд Лхагваагийнд муушигдаж байгаад Sakura гэдэг дууных нь клипийг нь олж үзээд улам дуртай болов. Клипэн дээр нь гардаг хүүхэн үнэн хөөрхөн, ямартай ч миний type.

Намуухан, эргэлдэнхэн доошилсоор
Мөрөн дээр минь
Зөөлөн унасан цэцгийн тэр дэлбээг
Алган дээрээ авч нүдээ анихад
Чи миний дэргэд хэвээрээ

Пээ, дахилтыг нь орчуулсан чинь аятайгаа яг таараад балай авч байна.

Хуралдаан үргэлжилж байна, эрхэм иргэдийн төлөөлөгчид өө!

Чэнжэд блог тайтл

2007-01-22T11:13:00.000+09:00

Өнгөрсөн долоо хоногт хамт ажилдаг яаруу сандруу охин аймар ууртай, блог молог уншихаар тооцоолон бодох төхөөрөмжийн (цаашид ТБТ) тогны утсыг салгаж бариад. Тэгээл будран уйтгарлах хүйтэн цаснаар хүрмэн дотроо хүйтэн алхсаар (энэ өвөл цасны бараа хараагүй л дээ) шөнийн 12-т гэртээ орж ирэн tv-гээр хэдэн марзангуудаа харж ход ход инээж аваад унтах байдлаар гэрийнхээ ТБТ-ийг нэг ч асаалгүй долоо хоногийн ажлын өдрүүд түй гэхийн хооронд дуусж найзтайгаа үүр цайтал сархдын амтанд мансуурах амралтын өдөр ирвэй. Юу эсийг ярилцах вэ, "яг одоо би хамгийн аз жаргалтай байна, өөр юуг ч үл хүснэм" эсвэл "амь амиа бодоорой гэхийг юу гэж орчуулах вэ" эсвэл "Буш одоо хаан юм уу, заан юм уу" гэх зэрэг хамгийн утгагүй бөгөөд энгийн зүйлсийг ярилцав. Сайхаан сайхан.

The Departed гэдэг кино үзлээ. Мужийн цагдаад шургалсан мафийн "харх", мафийн дотор нуугдсан цагдаагийн "харх"-ний тухай өгүүлэх (америкийн ялзарсан нийгмийг харуулах гэсэн юм болов уу гэж гальт бодов) эл кинон дээр хятадийн мафиуд тив алгасагч пуужингийн удирдлагын микросхемийг америкийн мафиудаас худалдаж авахаар ирсэн чинь хятадын коммунист намын нэг том нөхөр цуг явжийн гэсийшд. Алышүү нээрээ.

За тэгээд нэгдэх болж ажил дээрээ ирээд харсан чинь цуг ажилдаг эгчмэд бүсгүйдээ ахиад л дуралчихлаа. Нэрийг нь л мэдэхээс биш юм ярьж үзээгүй л дээ. Аймар даруухан, хуруу нь бас нарийхан. Би ер нь их амархан дурлаж байнаа. Эртээд өөр нэг эгчмэд бүсгүйд дурласан. Тэр бол үнэн секси. Яг л түгжээг нь мултаслан гарнаат гэсэн үг. Даан ч нүүр нь жоохон том учраас тэгсгээд тайвширсан.

Манай найзууд нэг хэсэг Уруулын будаг хамтлагт дуртай болов. Дууг нь сонсохоор охидууд гайхаж ярвайгаад л, бид нар улам баясаад л. Манай нэг бандгайрдаг найз нэг өдөр орж ирээд: -Би соёлын төв өргөөний тэрүүгээр явжийсан чинь 69-н дотор уруулын будгийнхан хуушуур идээд сууж байсан гэдэг байгаа. Өчигдөр тэрийг санаж баахан инээв.

Ахин нэг долоо хоног Гамбирмаа шоу!

Шинэ систем

2007-01-15T12:00:00.001+09:00

Хүн 10 хуруутай болохоор аравтын тооллын систем болон 10 цифр гарсан. Хэрвээ 14 хуруутай байсан бол 14-тийн тооллын систем, мөн 14 цифртэй байх байсан болуу.

Нэг, хоёр, гурав ... ес, арав, Хэлмэн, Цолмон, Дөөлий, Мөөлий. гэхэнэ байна л даа ухаандаа. Тэгэхээр арав, хорь ...ер, зуу буюу тэгээр төгссөн тоонууд дараачийн байдлаар бий болж болох юм. Хэлмэр, Цолмор, Дөөлийл, Мөөлийл.

Арав бол эрх мэдэл доошилж урьдны сайхан 10 биш нэг оронтой "ердийн" нэг цифр болох учиртай. "А" ч юм уу зүгээр л ес болон Хэлмэний дундах нэгмуу "тоо".

Тэгээд жоохон тоо бодуул :
7 * 2 = 10(мөөлий)
5 + 8 = дөөлий
хэлмэн * 2 = 18(мөөлийн найм) гэж гарч байна.

(Цолмондугаар бүлэг: Цэвээн ажлаа хийлгүй туйлын утгагүй юм бодож байгаагаа өөрөө мэдэж байсан ч гэсэн ихэд баясвай)

За дүгнэлт хийвэл 14-тийн тооллыын системд шилжих юм бол тархины нөгөө ашиглагддаггүй эд эсүүд нь жоохон амилж, урчлээс нь гүнзгийрч магадгүйн шиг байна.

Улсын их хурал, ерөнхийлэгч, монгол ардын хувьсгаалт нам, ардчилсан нам болон эрүүл нийгмийн хөдөлгөөнд санал болгох нь:
- Дэлхийн хөгжилтэй хөл нийлүүлэн алхахын тулд манай оронд толгой сайтай, гавал боловсон хүчингийн хэрэг их байгаа билээ. Тэднийг багаас нь бэлдэж гаргахын тулд тархийг нь turbo болгох нь үр дүнтэй бөгөөд "Мөөлийтийн тооллын горим"-д нэн даруй шилжихийг өчүүхэн миний бие санал болгож байна. Шинэ цифрүүдийн нэршлийг хэл шинжлэлийн хүрээлэнд даатган дүрсийг тендэр шалгаруулж үндэсний хэв шинжийг агуулсан (чингис хаан, хасбу тамга, 800 жил, хангарьд шувуу зэргийг оруулбал зүгээр) байхаар бүтээлгэхийг хүсье.

Сүхбаатар дүүргийн дугаар хорооны оршин суугч Хүдэр (цэрэгт яваагүй)

Уншаад хэрэггүй дөө

2007-01-09T10:30:00.000+09:00

Үүгл reader лүү орсон чинь
Үй түмэн бичлэгүүд нэмэгджээ
Үсэглэж уншдгийн болохоор
Үүр цайлгахыг шахав

€

”

Нүүлээ. Тэгээд нэг охин луу утасдаж "би цэцгийн ваар худалдаж авсан. чи ирж үзээч" гэж урив. Шинэхэн орсон байрыг минь үзээд нөгөөдөх чинь энэ нь ийм байна, тэр нь тийм байна, ерөнхийдөө бол сайхан байр байна гэлээ.
-Харин үзүүлнэ гэсэн цэцгийн ваар чинь хаана байна?
-Энэ байр бол миний авсан ваар. Хоосон, уйтгартай байсан энэ вааран дотор дэлгэрсэн ганц улаан сарнай бол ЧИ.
-Сарнай чинь өргөстэй шдээ.
-Сарнайн гоо үзэсгэлэнгээс болоод би өвдөх мэдрэмжээ алдчихсаан.

バーカ! (маангар)

Долоо хоногийн эхэнд олгойд иймэрхүү тэнэг юмнууд орж ирж байна.

Шинэ оны мэнд!

2007-01-04T16:34:00.000+09:00

Юуны түрүүнд үүнийг уншигч танд шинэ оны мэндийг хүргэе. Сайхан баярласан биз дээ?
Миний хувьд ээжтэйгээ, найз нөхөдтэйгөө бас нутгийн архи, бууз, салат, торт... (муу хүн идсэн ууснаа) гээд инээд ханиадаар бялхсан сайхан шинэ жил боллоо.

Кино үзлээ, цуг үзэгсэд маань уйлцгаалаа. Би урьдны адил дотогшоогоо уйллаа. "Ио жима-гаас илгээсэн захидал" гэдэг кинон дээрх дайсны бүслэлтэд орсон япон цэргүүд тойрч зогсоод нэг нэгээрээ цээжиндээ гарнат тэслэн зад зад үсэрч байгаа хэсэг бол айхтар. Даргын тушаалыг даган амиа егүүтгэх тэдгээр залуусын сэтгэл дотор юу байсан бол? Эр зориг, нэр төр үү? Эзэн хааныхаа төлөөх үнэнч сэтгэл үү? Эсвэл зүгээр л айдас, шок уу? Янз янзийн л дүр зураг харагдаж байлаа.

Дараа нь Да винчи код-ийг үзлээ. Исүс эхнэр хүүхэдтэй, үр удам нь өнөөг хүртэл амьдарч байгаа, тэднийг устгах хүсэлтэй нэг хэсэг, хамгаалах хүсэлтэй нөгөө нэг хэсэг хүмүүс байдаг. Киноны агуулга бол ердөө л энэ. Огт сонирхолтой санагдсангүй. Гэхдээ энэ киноны "зорилго"-ыг дотроо таамаглаад байгаа. Юу гэхлээр бурхан гэж байхгүй, Исүс бол жирийн хүн байсан. Бусдыг хайрлаж, энэрч, өөрийн амь биеийг зориулж чадах юм бол чи ч гэсэн бурхан болж болно.
"Исүс секс хийдэг байсан хэмээн бидний шүтээнийг доромжиллоо" энтэр гэж энэ зохиолыг эсэргүүцэгч исүсийнхэн ярьж хэлж байсан. Гэхдээ буруу номтнуудыг алаад өөрөө үхэх юм бол бурхан чамайг шагнаж, 70 сайхан хүүхэнтэй диваажинд жаргана гэж сургадаг зарим нэг шашнаас, христосийн шашнаа "ялгаа"-тай болгох гэсэн нэг оролдлого бол энэ кино гэж. Дараагийн анги дээр нь Том Хэнкс үүлэн дээгүүр нисч үзээд "там диваажин гэж байдаггүй юм байна шдээ, бид нар чинь үйлийн үрээрээ зургаан төрөлдөө зовлон жаргалаа эдэлж байгаа юм байна" гэж хэлж тун магадгүй шүү. Хэхэ.

Сайхан хадуурлаа. За за нэгэнт кино руу хадуурсан юм чинь. Borat гэдэг киноний тухай: Америк-д ирсэн казакстан эр харанхуй бүдүүлгийн хар гаргайгаар элэг хөшөөм үйл явдлуудтай учирна. Казакстанууд анхандаа энэ кино манай улсыг доош нь хийлээ гэх маягтай хүлээж авчээ. Гэтэл кино гарч эхэлснээс хойш асар удалгүй казакстануудын хувьд баярламаар нөхцөл байдал үүслээ. Тийшээ аялах сонирхолтой хүмүүсийн захиалга урьдынхаас хэдэн арав дахин нэмэгдээд, онгоцны тийз, зочид буудлын захиалга энтэр нүд ирмэхийн зуур дүүрсэн байна. "Манай улсын аялал жуулчлалын салбар гэнэтийн boom-ыг даахгүй байна" гэж казакстаны элчин сайд нь ч билүү нэг том нөхөр нь хэлсэн гэж бичжээ (киног үзээгүй л дээ). Энэ их жуулчдийг дагаад бөөн мөнгө орж ирэх нь ойлгомжтой. Ямар ч байсан сайн хэрэг.
Харин Монголийн тухай өгүүлсэн (монголд ашигтай) hollywood-ийн кино гэж хараахан байхгүй. Хэдэн жилийн өмнөх Charlie's Angels II-ын эхэн хэсэгт North Mongolia гэж бичиг гараад баахан буу шийдэм болсон зэрлэг улсууд мах идэж архи уугаад л, нөгөө гол дүрийн гурван хүүхнийг харангуутаа шууд дайраад л, үнэн назгай. Монголын тухай мэдэхгүй хүн үзэх юм бол монголын тухай тийм л төсөөлөлтэй үлдэнэ. Ямар ч байсан монголд жуулчилъя гэж бодохгүй. Аа, энэ бол муу хэрэг.
Маш их хэмжээний хөрөнгөөр бүтсэн, японд байтугай дэлхийд амжилт олно гэж яригдаад байгаа "япон Чингис" 2007 оны жуулчдын тоог ихэсгэх болтугай. Бас төрсөн дүүгээ алсан хэсгийг яаж гаргах нь сонин байна.

2007 он, та бүхэнд эрүүлийг хүсье! Эрүүл байвал юм бүхэн болно.

Зиак, хэд хоног сайхан амарсны эцэст өнөөдрөөс "тулалдаан"-даа эргэн орлоо.
Welcome to the real world!

Tutorial

2006-12-28T13:24:00.000+09:00

トゴルー! お笑いに興味を持ってくれたか？ありがとう。
チュートリアルは今年のＭ１をとった。見た？
決勝戦に残った3組：キリン、フットボールアワー、チュートリアル。個人的に、女性に人気あるからキリンがいけるかと予想した。フットボールアワーの岩尾がキモかわいくて、好きだから応援したけど、結局お客さんの反応も圧倒的だったし、やっぱ新しいね、チュートリアルは。Яджаахадボケがカッコいい。
他にＭ１の気になるところは、賞金！１０００万円だぜ！１０００万くれるなら、ワシも面白いことやれんのじゃ！なんちゃって。
ま、とにかく面白かった。あんなプレッシャーの中であれだけやれるとは、おっしゃった通り、「才能」。

お笑い！万歳！

笑いブームが来年も、やっ、ずっと続きますように！

Хагас сайн өдөр биш хагас сайн өдөр

2006-12-25T18:23:00.000+09:00

Хагас сайны үүрээр эхний автобус хүлээгээд зогсож байлаа. Гадаа жоохон жихүүн учраас автобусыг хурдан ирээсэй гээд саравчилсан байдалтай. Буудлын самбар дээрх цагийн хуваарь дээр бямба гаригийн эхний автобус 5 цаг 56 мин гэж бичжээ. Байн байн цагаа харсаар 5:56 нь болсон боловч, автобус цагтаа ирсэнгүй. Нэг их юм бодсонгүй хэсэг зогсож байгаад цагаа хартал 6:00 боллоо. Яагаад хоцров? Зам хов хоосон болохоор хоцрох шалтгаан бодоод олсонгүй. Дугаарлан зогсох хүмүүсийг ажиглавал, хэд хэдэн удаа самбар дахь хуваарийг нягтлан харах өвгөнөөс бусад нь гайхсан бухимдсан шинж алга. Энэ маягаар минутууд өнгөрсөөр 6:09 боллоо.

Японы автобус унаа, цахилгаан тэрэг энтэр тодорхой шалтгаангүйгээр ингэж хоцордог байжээ хэмээн туйлийн сонирхолтой санагдаж эхэлсэн үед автобусны бараа харагдлаа.

Сонирхолтой санагдаад даарахаа ч мартсан би автусанд оронгуутаа жолоочоос "5:56-д эхний автус ирнэ гэж бичсэн байна шдээ. яагаад ингэж их хоцров?" гэтэл нөгөө хуваарийг олон дахиж нягтлан харсан өвгөн хажуугаас хошуу хэлээ нэмэрлэж "тийм, яалт ч үгүй Бямба-5:56 гэж байсан, юу болов" гэж асуулаа. Тэгтэл бид хоёр луу ээлжилж сүрхий харснаа жолооч "ням гариг болон амралтын өдрийн хуваарийг харсийм уу?" гэж байна. Жолоочийн итгэлтэй байдал, амралтын өдөр гэдгээ тод хэлж байгаа нь нэг л сэжигтэй санагдаад явчихлаа шүү. Гэтэл өөр нэг эр "баярийн өдөр учраас амралтийн өдрийн хуваариар явна, эхний автус 6:09 гэж бичсэн байна" гэдэг байгаа.

Ээ цусаа! баярын өдөр байсныг нь мэдсэнгүй. Шууд дуугай болоод суудал руу тэмүүллээ.Дөнгөж сая болтол "өнөөдөр хагас сайн учраас автобус 5:56-д ирэх ёстой" гэсэн бодолдоо ямар их итгэлтэй байлаа. Гэтэл одоо хэлэх үггүй болцон хажуугаар өнгөрөх машинийг цонхоор сонирхож харсан худлаа царай гаргаад сууж байдаг. Хэхэ.

Та бодож, хэлж байгаа зүйлдээ 100% итгэлтэй байна уу? Тэгвэл бас л болоогүй байна.

Шалга, шалга, шалга бас дахин шалга. Хүдэр 2006.

Бас дээр үед сонссон нэг үг санаанд оров. Сонсоогүй зүүдэлсэн ч байж магад.
"Итгэ, түүнд итгэ! Гэхдээ шалга!"

Пионерт элссэн нь

2006-12-20T10:48:00.001+09:00

3-р ангид байхад манай анги, зэргэлдээ анги хоёрыг хүүхэлдэйн театрийн нэг зааланд цуглуулж байгаад пионерт элсүүлж байлаа.

Манай ангийн хоёр болохгүй нөхрийг сурлага, хүмүүжил муутай учраас хойтон элсүүлнэ, ирээд хэрэггүй гэсэн байсын. Тэгсэн чинь нөгөө хоёр чинь хаанаас олсын бүү мэд, нэг нэг бүч олоод ирчихсэн, багшийн нүдийг хариулж урдуур хойгуур гүйж байгаад, ангиараа 100% пионерт элсэж билээ.

Тангаргаа бас мартаагүй байна.

"Хүдэр би, Д.Сүхбаатарын нэрэмжит Монголын пионерийн байгууллагын үйл хэрэгт үнэнчээр зүтгэж, чин эрмэлзлээ нэр төртэй биелүүлэхээ тангаргалж байна."

Тэр

2006-12-18T14:07:00.000+09:00

Би алт шиг найзуудтай хүн. Тэд энэ блогийг мэдэхгүй учраас нэгнийх нь тухай бичнээ.

Тэр анхнаасаа л надаас илүү чадалтай, илүү толгойтой. Охидууд надаас илүү тэрийг тооно. Хүмүүс надтай уулзахаараа мэндийн зөрөөгүй тэрнийг асууж сураглана. Бараг л тэгж санагдана. Тэр зодолдож чадна, орос хэл мэднэ, охин найрч чадна, тоо физикийн олимпиадад орно. Би тэрийг зодож чадахгүйдээ шаралхана, үгээр иднэ. Шарыг нь малтаж байгаад өчүүлнэ. Шар улам гозойгоод уйлна. Pascal дээр бодлого бодохоороо надаас цөөхөн мөрөнд багтаана (гэхдээ хааяа минийх бүх нөхцөлийг биелүүлж байхад тэрнийх алдана, хэхэ). Машинаар уралдана. 120 гараад миний зүрх үхээд ялагдана. Тэхээр нь охидууд ахиад тийшээ ханарна.
Тэр цөс ихт монгол хөвгүүн учраас хятадуудад нэг тиймэрхүү хандана, хааяа зодно. Тэгсэн саяхан өөр нэг найз руугаа утас цохисон, "цаад балай чинь хятадийн шоронд суужийгаа" гэдэг байгаа. Яасан ийсэн гээд шалгаасан чинь хэдэн цомпьютер энтэр гэж урагшаа яваад тэндээ хужаагийн хамрыг чихиж хаяад "111"-т орсон болтой. Юм юм бодогдлоо. Хужаагийн хамар нь эдгэхгүй байж байгаад үхчихвэл Red corner гэдэг кино шиг цаазаар авах гээд дайраад унавал яанаа гэж хүртэл бодов. Хэд хоногийн дараа үйлтэй ээж нь торгуулийн хэдэн төгрөг бариад очиж авчирсан гэнэ. Утсаар ярилаа.

Би: -Яадаг тэнэг вэ?
Тэр: -Зүгээрээ зүгээр.
Би: -Юу зүгээр гэж, тэгж яваад... дададададада...
Тэр: -Зүгээрээ зүгээр.
Би: -Яг яасийн?
Тэр: -Гудамжинд явж байсан чинь нэг хужаа хүүхнээ дээрэлхээд, алгадаж малгадаад байхаар нь очоод шаацан.
Би: -Хүүхнээ зодно уу, хүүхдээ зодно уу? ямар хамаа байна. Эхийгээ зовоогоод.
Тэр: -Харин тийн ээжийгээ л их зовоолоо. Гэхдээ "эмэгтэй хүнийг хамгаалсан бол зөв" гэж ах хэлсэн.
Би: -Тэр ямар хамаатайн. Чи өөрөө сайн бодохгүй юу.
Тэр: -За за за. Мань тэхдээ хоосонгүй ээ. Тэр дотор өдөржингоо хийх юм байхгүй болохоор тувтан гэдэсний таталт хийгээд, одоо зургаан толгойт янзийн болсон.
Би: -Өө тийм үү, тэгүүл ч бас яахав. Бин... минь, гайхуулах юмаа олов оо.
Тэр: -За за. Мань ажилтай болчлоо. Чамайг аймар санжийна. Уруул дээр нь үнсий.
Би: -Тэнэг бин... За за дараа ярий.

Утсаа таслаад гэрлүүгээ алхлаа. Ахиад л багынх шигээ өөрийгөө түүнтэй харьцуулж бодлоо. Би тийм нөхцөлд яах бол гэж бодлоо. Очиж шааж чадахгүй л дээ. Гэхдээ гутарсангүй. Надад ийм найз байхад яадгийн. Сэтгэл сайхан байна. Орж хоолоо идчээд эртхэн унтахгүй бол маргааш эрт ажилтай. Ирэх зун болтол юу байхав. Та нар дээрээ нижгэр очноо.

Сайхан юм уншлаа

2006-12-18T11:44:00.000+09:00

Очиржавын Ганбат "Миний Нутгийн Чулуу"
Заавал уншихийг хүсье.

Кино үзээд уйлах нь

2006-12-12T12:14:00.000+09:00

Солонгос кино ер нь яаж хүнийг уйлуулах вэ гэж хийдэг байхаа. Дээхнэ үед Ард кино театрт Эхийн хүслэн гэдэг кино гарч. Тэр хавийн атаманууд үзээд гарч ирсэн чинь бөөн нус нулимсандаа холилдсон амьтад бие биенийхээ мөрийг түших нь түшээд хангинатал уйлан хайлж байсан гэж :D

Саяхан Sad Movie гэдэг солонгос кино үзлээ. Нөгөө дуунд гардаг Хатсан сэтгэлийн минь нууранд хур бороо оруулж хагарсан хөрсийг нь дэвтээж байгаад тармуураар мааждаг байна шүү. Нүднийхээ булчинг чангалаад гүрийгээд байсан чинь уулын уруу уралддаг хоёр могойны баруун талийнх нь доошоо жирийлгэдэг байгаа. Шор хийтэл буцаалтай нь биш, сахлаа илбэх маягтай хөдөлгөөн хийгээд сэм арчлаа.

Би ингэхэд яагаад уйлахгүй гүрийгээд байгаан болоо? Эр хүний нулимс дотогшоогоо, эр хүн амьдралдаа 2 удаа л уйлах хэрэгтэй ч билүү эрхтэй ч билүү зэрэг үгнүүд. Багачуудийн зодоон хүртэл "түрүүлж уйлсан нь дийлэгдэнэ" гэсэн дүрэмтэй. Эдгээрийг сонсож өссөн болохоороо ингээд гүрийгээд суугаад байгаан болуу.

Гэтэл сэтгүүл дээр "Сүүлийн үед амралтынхаа өдрөөрөө зориуд уйлуулдаг кино үзэж сайтар уйлснаар долоо хоногийн ажлийн дарамт, стресс, ядаргаагаа арилган, reset кнопоо дардаг шинэ зуршил эрчүүдийн дунд дэлгэрээд байна. Энэ тухай сэтгэл зүйч, эмч докторуудаас асуухад үнэхээр сайн нөлөөтэй болохийг баталжээ" гэж бичсэн байна. Жоохон ичмээр ч гэсэн нэг уйлж үздэг ч юм билүү? Нээрээ тархи сэргээд, сэтгэж мэтгээд эхэлж юуны магад.

Та бүхэн ч гэсэн туршаад үзэхэд илүүдэх юун!

Weekend

2006-12-08T17:48:00.000+09:00

За за, Google ч амарчих шиг боллоо. 2 хоног буянаа эдлийдөө. Та бүгд ч гэсэн сайхан амраарай.

Яаруу бичлэг

2006-12-06T19:22:00.000+09:00

Би уул нь их яаруу сандруу золиг байгаа юм. Өөрөө яаруу дээрээ хүмүүсийг яруулна, сандчуулна. Багадаа дүки дакидаад нуугдах юм бол шээс хүрч хавчиганаад, тэсэлгүй хамгийн түрүүнд гүйгээд гараад ирдэг байлаа. Утсаар ярихдаа хүртэл "аан тийм үү, за, за пака чау" гээд юм яриулахгүй тасалчихдаг гэж найзууддаа донгодуулна. Уул нь бол нээх сайхан чанар биш юм шиг байгаан.

Ойрноос нэг яаруу, тэвдүү охинтой хоёулаа ажил хариуцаж хийж эхэллээ. Жоохон асуудал гарангуут яанаа ийнээ болоод л, ийш тийшээ гүйгээд л үнэн дарамттай. Дээрээс нь байн байн гүйж ирээд "яасан? учрийг нь олцон уу?" гэнэ. Арай болоогүй байна гэхлээр, буцаад л гүйнэ. Шал ядаргаатайн, юундаа яарч сандардаг байнаа гэсэн шүү юм бодоод байж байснаа өөрийгөө анзаарлаа. Овоо буйр суурьтай байна гээч нөгөөх чинь. Урьд нь бол өөрөө өөрийгөө анзаарахгүй, энүүншиг амьтний уушгийг сагсайлгаад явж байсан байх даа. Гэж бодсон чинь энэ охин надад хэрэгтэй дохио өгөөд байгааг ойлголоо. "Чи хүмсүүдэд ингэж харагддаг юм шдээ. Яаруу тэвдүү байх ямаршуу байна? Хар!" гэсэн эерэг дохио. Тийм учраас энэ охинд дургүй хүрэх биш талархъя.

Ууртай, шуналтай, атаархуу, тоглоом даадаггүй зэрэг дургүй хүрмээр хүмүүстэй тааралдвал хий дэмий харшлаа хөдөлгөхийн оронд тэднээс эерэг дохио хүлээж авахыг бодоорой. Жишээ нь Хүдэрийн бичлэгүүд тэнэг санагдаад байвал "Энэ нөхөр шиг тэнэг юм ярьж явдаггүй юм шүү" гэсэн дохио хүлээж авч болно. Тэгээд "Хүдэрээ баярлалаа" гэж хэлчихээд яваад өгвөл ах ч гэсэн баярлаад л үлдэх нь байна л даа.

За за нөгөөх чинь бас сандарчихсан бөөр лүү чичээд зүгээр суулгахгүй нь. Дуусгая.

Хүний яриаг сонсоод...

2006-12-05T14:09:00.000+09:00

Хааяа шагайж хардаг нэг жүжигчний блог байдаг байхгүй юу. 2-3 хоногт нэг бичлэг нэмэгдэнэ. Нэг бичлэгт 300-500 комент үлдсэн байх юм. Мэдээж фэн мэнтэй алдартай хүн учраас энэ хэрийн юм болох л байх л даа. Гэхдээ бичлэг ч, коментууд ч богинохоон. Өнөөдөр ийм юм хийлээ, ханиад туслаа, ийм гутал худалдаж авлаа ч юм уу, эсвэл зүгээр л муурныхаа тухай бичнэ. Коментууд нь ажлаа сайн хийгээрэй, дэмждэг гэх мэт ганц хоёр л үг.
Тэгээд ингэж бодлоо.

-Хүний блогийг унших нь хүний яриаг сонсохтой утга нэг.
(: Хүдэр, 2006 он :)

Хүн юм яриад байхад сонсож байснаа дуугүй яваад өгөхөөр чинь яригч этгээд гайхна, дахин ярих хүсэлгүй болно биддээ. Гэтэл зарим монгол блогчдийн яриаг 10000 гаруй хүн сонссон хэрнээ хариу дуугарсан нь хуруу дарам цөөхөн. Сонссон бол яригчийг хүндлээд ганц үг ч гэсэн хэлж байцгаая. Бүгд завгүй байдаг байх л даа, гэхдээ ганц үг байхад л болоо. "Уншлаа", "сайн", "муу", "ок", "хэхэ" эсвэл зүгээр л "хэ цсс". Би өөртөө өнөөдрөөс ийм хэвшил тогтоолоо. Уншсан бол ядаж нэг үг үлдээе гэж.

Dance, dance more! Life is very short!

2006-12-01T16:38:00.000+09:00

Үэээү! энэ 7 хоног ажил ихтэй, өдөр болгон 11-ээс хойш харьж байна шүү. "Ядарч"... Юуу?! Залуу хүн ийм юм хэлж болохгүй. (Хишгээгийн "Завгүй" дээр хориотой үг нэгээр нэмэгдлээ гэж)

Японы сэтгүүлч илүү цагийн ажлийн тухай:
"Япон бол дэлхийд No.1 илүү цагаар ажилладаг орон. Хийх ажилгүй байсан ч дарга хариагүй л бол ямар нэгэн зүйл хийсэн болж харагдаад сууж л байх хэрэгтэй. Сүүлийн үеийн судалгаагаар япон эрчүүдийн гэртээ харьдаг дундаж цаг 20:47 гэж гарсан байна. Гэтэл европийн орнуудад залуус 18 цаг гэхэд гэртээ харьж хувцсаа солиод буцаад гарна. Гадуур хөгжиж цэнгэж, эсрэг хүйсийнхээ хүмүүстэй уулздаг. Харин японд оройхон цахилгаан тэргэн дотор хорин хэдхэн настай мөртлөө ядарсандаа зогсоогоороо зүүрмэглэх япон залуусыг харж болно. Тэд хариад юун секс хийх манатай, өглөө эрт ажилтай учраас шууд л унтаад өгнө. Ийм байж болохгүй. Долоо хоногийн ядаж нэг өдрийг илүү цагаар ажиллахыг хориглох шийдвэр, тогтоол засгийн газраас гаргавал таарна. Тэгвэл даргадаа -Уучлаарай. уул нь үлдэж юм хиймээр л байна. Даан ч өнөөдөр илүү цагаар ажиллах хуулиар хориотой. Дараад нь компани маань эвгүй байдалд орвол бүгд хэцүүдэх учраас! гэж хэлээд гарч одно. Энэ маягаар япон залуучууд эртхэн харьдаг болвол сүүлийн үед яригдаад байгаа Шоошика (хүүхдийн цөөрөлт) асуудал энтэр аяндаа шийдэгдэнэ." гэж бичжээ.

Бас Амэрхд ажилладаг нэг ах ингэж ярив. "Манай тэнд 17:30 болов уу, үгүй юу бүгд пирр гээл гараад явцгаадаг. Үүнийгээ тэд My family is number one гэж тайлбарладаг гэж байгаа. Дарга нь ажилтнаа 2-уулаа үлдсэн ажлаа орой хийчихье гэх юм бол Power hazard гээд шүүхдээд гүйж ч мэднэ." Сайхан юмаа гэж бодов.

Өнөөдөр 6 гээд гарнаа. 2 өдөр нухсан юмныхаа учрийг олцон (ердөө ганцхан мөр юм бичээд л болчих юмаа). Тэрийгээ даргадаа хэлсэн чинь их сэтгэл хангалуун байх шиг байна. Ер нь эрт гарахад, гадаадын болоод дотоодын нөхцөлүүд бүрдчихсэн байна. Шоуднаа!

Японы хошин шог

2006-11-27T15:57:00.000+09:00

Японы хошин шог:
Богинохон - Нэг үзүүлбэр ердөө 3,4-хөн минут. Зай завсаргүй дуржигнуулаад, ямар амьтанд хөөгдөж байгаа биш дээ. Их ч зовж бэлддэг байх даа.
Тэхэд чинь манай нэг шог бол: Хий үзэгдэлтэй байшингаа олон дахин хулхидан зарж баяжаад, хундага тулгаж байгаа хүмүүсийн тухай 20,30 минут маш сайхан ойлгомжтой, тайван үзүүлнэ.

Японы хошин шог:
Хөнгөхөн - Сэдэв нь их хөнгөн, үлдэцгүй. Яг юу хэлэх гээд байгаа нь хамаагүй, зүгээр л инээ! гэж байгаа юм шиг хийсвэр, хоосон юм хийнэ.
Тэхэд чинь манай нэг шог бол: Хөдөөний гэнэн бүсгүйгээр тоглож хаячихаад нөгөөх нь насаараа хүлээж, шаналан зовсон тухай хүнд нэгийг бодогдуулахаар гүн гүнзгий утгатай, сургамж...

Японы хошин шог:
Чөлөөтэй биш - Сайхан марзаганахгүй. Нийгэм, хүмүүсийг шоглохдоо их болгоомжилсон өнгө аястай, боловсон үг яриа хэрэглэнэ.
Тэхэд чинь манай нэг шог бол: Зурагчин залуу айлд орж ирчихээд эмэгтэйчүүдтэй нь унтах гээд л дайрна шүү дээ. Сайн сэтгэж байгаан шүү. Хахаха

　　　　　　　　　　　　　　

Хөрвүүл

2006-11-24T16:29:00.000+09:00

Англи үсгээр илүү хурдан шивдэг бол.
Компъютер дээр чинь кирилл үсгээр шивж болохгүй байвал.
Энэ хэрэг болно!

※ Жоохон асуудалтай нөхдүүд :
В = W
Ө = Q
Ү = V
Х = H(X)
Ц = C(TS)
Ь = '
Ы = Y
Ъ = X
Щ = SSH

Охид хөвгүүд

2006-11-21T10:55:00.000+09:00

Эмэгтэй хүүхэд нь аавын тухай, эрэгтэй хүүхэд нь болохоор ээжийн тухай илүү ярьж бичиж, дуулж шүлэглэдэг юм шиг санагдахгүй бас биш.

Эмэгтэй хүүхдийн хувьд хамгийн мундаг, хүчтэй, ухаантай бас эрхлүүлдэг, хамгаалдаг, ээжээс хамгаалдаг, хүссэн тоглоом авч өгдөг, ер нь бол сүпэрмэн бол аав нь. Тийм ч учраас тэд том болоод эрчүүдийг аавтайгаа харьцуулж орхидог. Аавын тухай шүлэглэдэг.

Хүү нь болохоор ээжийнхээ өрөвчхөн, зөөлхөн, сайхан сэтгэл, шударга зан бас амархан уйлдаг, амттай хоол хийдгийг нь илүү мэдэрдэг (уярч дуулна).
Охидууд харин үүнийг сайн мэдэрдэггүй, яагаад гэвэл тэд өөрсдөө өрөвчхөн, зөөлхөн, сайхан сэтгэлтэй, шударга бас амархан уйлдаг, амттай хоол хийдэг учраас (амааи).

Хөвгүүд бол эцгийгээ хараад бүх талаараа түүнээс илүү эр хүн болох л хэрэгтэй.

Шугуй

2006-11-17T13:12:00.000+09:00

Арван хоёр жилийн амьтад явж байтал урд нь нэгэн их ширэнгэн ой, шугуй тулгаран иржээ. Энэ шугуйн нэр нь "Амьдрал". Зүг чиг зам байхгүй, маш шигүү, араатан амьтад хөлхөлдсөн, аюул бартаа ихтэй, харанхуй энэ шугуйг туулж гарах хэрэгтэй болов.

Тэгээд бүгд шугуйд орлоо.

Хулгана, туулай, могой, тахиа дөрөв сонор сэрэмжтэй бас жижигхэн учраас араатан амьтдаас нуугдан бага багаар урагшлах боловч нарны гэрэл ч муухан нэвтрэх харанхуй, битүү шигсэн өвсөн дунд зүг чигээ олох гэж төөрч, зүдэрцгээх аж .

Бар, луу, нохой, гахай нар бие томтойн дээр догшин түргэн зантай болохоороо урагш огцом зүтгэнэ, мод мөчирт орооцолдон биеэ урна. Тэрэндээ уурсан бухимдаж улам зүтгэх боловч тусыг эс олж нэрмээс болно, уур нь биеийг нь зовоогоостой.

Үхэр, морь, хонь гурав өвс ногоо идэнгээ тайван явах бөгөөд бартаа багатай замыг олон арга эвээр урагшилна. Гэвч араатны гэнэтийн довтолгоонд өртөж золгүйгээр амьтны хоол болох ч тохиолдол гарна.

Тэгтэл мань бич нэг гараараа мөчрөөс мөчир дамжин дүүлэнгээ нөгөө гараараа гадил жимс шүүрэн авч идэж ч байх шиг. Их хөгжилтэй явах бөгөөд хааяа модны орой дээр наранд биеэ ээн унтана. Зовж зүдэрсэнгүй.

Иймэрхүү маягаар дор бүрнээ ширэнгийг туулна.

Тэгсэн чинь бич японд ирж, урьд хожид дуулаагүй нэг зүйр цэцэн үг тархи руу нь шаажээ. 猿も木から落ちる。"Сармагчин ч гэсэн модноос унадаг" гэж.

Мола Насредин

2006-11-15T23:45:00.000+09:00

Мола нэгэн удаа илжгэн дээрээ хүүгээ сундлаад зах гарахаар явжээ.
Гэтэл замд зөрсөн хэсэг хүмүүс "хоёулаа сундалчихаж, хөөрхий илжиг" гэж байна гэнэ.
Мола "нээрээ тийм дээ" ухааны юм бодон, илжигнээсээ буугаад алхаж байтал дахин хэсэг нөхдүүд тааралдав.
Тэд хоорондоо "хөгшин эцэг нь ядарч байгаа даа" гэлцэх нь сонсогдов.
Тэхээр нь өөрөө илжигэндээ мордоод хүүгээ алхууллаа.
Цааш жоол явж байтал бас нэг бүлэг зөрөв.
"Жоохон хүүхдийг хол замд алхуулаад, хатуу сэтгэлтэй эр" гэж байна гэнэ шүү.
Мола аргаа барахдаа илжгээ хөтлөөд хүүтэйгээ хоёулаа алхав.
Тэгтэл дараагийн нөхдүүд "илжиг хөтөлчихөөд алхацгааж байдаг мангар юмуу хайшаан" гэдэг байгаа.
Мола бяцхан уур нь хүрч "энэ олны хэл ам уу!?" гээд илжгээ үүрээд цааш явжээ.

Талбай

2006-11-14T21:56:00.000+09:00

Талбай дээр ийм ч цуглаан, тийм ч өлсөглөн болж байна гэж өдөр болгон л сонсогдох болж. Яавал тэднийг тарааж орон гэрт нь хариулах вэ? Бодлоо. Даан ч тэр улсууд юу хүсээд байгаа болон улс төрийн нарийн ширийнийг мэдэхгүйн харгайгаар хариуг эс олох. Тэгжээ байтал ахиад л урьдны нэгэн явдал санаанд ордог юм байна.

...

“Халтар царайт” эхлэнгүүт дугуйгаа унаад гардаг байлаа. Хотын гудамж ямар ч хүнгүй, машин зам чөлөөтэй. Торлэбуснууд хүртэл энд тэнд эвэрээ сойгоод зогсчихсон харагдана. Зорчигч байхгүйм чинь яах вэ дээ, нэг газар ороод киногоо үзэж суугаа биз. Нар юу юугүй шингэх гээд, хот нөгөө гайхалтай улбар шар туяатай болчихсон зуны оройнууд.

Хоёр найзтайгаа уулзах газар бол зураг дээр санжмийдэрдэх нь холгүй болжийж тогтоосон “дундын цэг”, Сүхбаатарын талбай юм. Энд ч мөн адил хүнгүй. Ердийн үед хэдэн араваараа байдаг зурагчид тэрчээ 3,4-үүлхнээ хоорондоо буу халсан шиг зогсоно.
Бид гурав уулзаад дэмий л тэр хавиар доншуучилж, янз бүрийн үзүүлбэр хийж сурна гэж онхолдоно, дугуйгаа эвдэлнэ, өөрсдөө шалбарана бас галцрана.

Нэг өдөр саарал ордны хажуугаар явж байгаад хартал зүүн урд талын аркны харуул нь байхгүй байна. Тойроод хартал эсрэг талын аркных ч алга. Нөгөө гурван өндөрлөгийн лимузингээрээ орж гардаг арк шүү дээ. Жоохон холоос хурдаа авч байгаад арк руу тавиад орчихлоо. Их гоё гантиган шалан дээгүүр салхи татуулан, хэсэгхэн хугацаанд сонин сэрэл мэдрэмж төрөөд нөгөө талаар нь гараад ирлээ.

Ай хөөрхий сайхан байжээ. Дахиж тэрүүгээр давхиж үзэхийн тулд Ерөнхийлөгч болсон ч яахав.

...

Гээд бодож байтал, нээрээ “Халтар царайт”-ын үргэлжлэлийг захиалж хийлгээд үндсээр цацвал энэ талбай дээрх улсууд харьдаг болов уу?

Try It!

2006-11-10T00:46:00.000+09:00

Нэг сайт оллоо. Дурын текстийг Англи, Япон хэлээр маш цэвэрхэн уншиж байна. Саваагүйтэж янз янзын юм хэлүүлж үзлээ. Япон хүүхэн нь гоё хоолойтой, "お疲れ様です。フデルさん。私と、ちょっと遊ばない？" (Хүдэр сан, надтай жоохон тоглох уу?) гэж хэлүүлсэн чинь үнэн кайфтай. Хэхэ.

Алгоритм нь маш боловсронгуй учраас хүнээс ялгаагүй ярьж байна гэж зохиогч нар нь онгирсон байна. Текстэн дундаа түлхүүр үг (tag) оруулсанаар ярианы чанга сул, өргөлт, зогсолт зэргийг тохируулж болно. Эрэгтэй хүний хоолой ч бий гэсэн.

Try it!

http://voice.pentax.co.jp/pentaxtts/ttsdemoplay.asp

Хариу

2006-11-08T14:59:00.000+09:00

Багш биднийг 4-5 хүнтэй 4 баг болгож байгаад "Залуу бүсгүй ба далайчин"-гийн асуудлыг тавьсан юм. Баг тус бүрээс нэг л хувилбар гарах ёстой учраас маргалдацгааж, баг дотроо санал хураалт явуулж барьж бөөн юм болсны эцэст багууд илтгэв.

Хүн бүрийн санал өөр өөр, баг бүрийн санал өөр өөр. Зарим нь хайртынхаа төлөө гэсэн бүсгүйн сэтгэлийг үнэлэн, "хүний сэтгэлийг ойлгодоггүй сүйт залуу тэнэг” гэж байхад “хайр сэтгэлээ сэвтүүлсэн, хөнгөн явдалт бүсгүй” гэх нэгэн ч байлаа.

Бизнесийн ертөнцөөр төлөөлүүлсэн нэг тайлбарт далайчин 1-д, нэлээд доохнуур бүсгүй бичигдсэн байна. Яагаад гэвэл далайчин 100%-ийн урьдчилгаа авч эрсдэлгүй наймаа хийсэн байхад бүсгүй маш эрсдэлтэй бизнес хийж дампуурсан байна.

Мэтчилэн сонирхолтой хувилбарууд хэлцэгдсэний дараа багш ХАРИУг хэллээ:
“Энэ асуудалд ямар нэгэн хариу байхгүй ээ. Гэхдээ ийнхүү маргалдсанаар хэд хэдэн чухал зүйлийг ойлгож авахыг хүссэн юм. Аливаа асуудалд туйлын дүгнэлт гэж байхгүй. Баг доторх санал зөрөлдөөн сүүлдээ хэний тал руу яагаад хэлбийв, тэр этгээд яаж ярив. Багуудын илтгэл ч мөн адил, аль багийн дүгнэлт яагаад үнэмшилтэй байсан зэргийг эргэцүүлцгээ” гэсэн юм.

Өөрсдийн хувилбарийг бичсэн daad, тогоруу, хишгээ, а.ганбаатар, Altaa нарт баярласнаа хэлээд хэрэв таныг дүгнэсэн (сонжоо) ямар нэгэн сонирхолтой тайлбар хүлээж байсан бол хүлцэл өчье.

でも ингээд дуусгах биш та бүхний хувилбарын тайлбарыг сонсвол их сонирхолтой байхсан. Жишээ нь: бүгд далайчныг 5-д бичсэн байхад daad яагаад 3-д бичив? Тогоруу өвгөнийг юунд тоов? Хишгээ, а.ганбаатар нарт бүсгүйн юу нь таалагдав? Гээд бүгдийг оньсого хэвээр үлдээлгүй, тайлбар бичиж⇒бие биедээ няцаалт өгөх зэргээр сонирхолтой болох ч юм билүү. Тэ?

Миний хувилбар:
1. Бүсгүй
2. Сүйт залуугийн найз
3. Өвгөн
5. Сүйт залуу, Далайчин

Тайлбар:
・ Би өөрөө сэнпайгийн хэлдгээр бөөрөнхий, яг өвгөн шиг хүн учраас өвгөнийг таалсанчгүй, үзэн ядсанчгүй 3-т бичлээ.
・ Бүсгүй бол эргэцүүлж байна, асууж байна, шаналж байна, шийдэж чадаж байна, хүний төлөө золиос хийж чадаж байна, зоригтой байна. Сүүлд нь үнэнээ сайхан хэлж байна.
“Үнэн үү? Үнээн”. Уааау¹. Би үнэлэв.
・ Тэр сүүлд ирдэг найз бол их учир битүүлэг этгээд. Сайн хүн гэж итгэхээс өөр арга алга.
・ Сүйт залуу, далайчин хоёр бол хар амиа боджээ. Найзлуулаад ижил байр эзлүүлчихлээ.

¹ "Уааау"-ыг Тогоруугаас авлаа. Жоохон өөрчлөөд.

Бодьсадва

2006-11-07T12:18:00.000+09:00

“Өөрийн биеийг умартан, бусдын сайн сайхны төлөө бүхнээ зориулсан хүнийг Бодьсадва гэнэ” гэж бурханы сургаалийн тухай нэг номонд байсан санагдана. Тэр номон дээр бас 80-аад оны сүүлч, ЗХУ-дахь өөрчлөн байгуулалтын үед Буддын нэг том багш шавьдаа Горбачевийг “амьд бодьсадва”-тай зүйрлэн ярьсан тухай бичсэн байсан. Горбачев ах мөнгө рубль, эрх мэдэл, нэг тиймэрхүү юмны төлөө биш үнэнгээсээ хүмсүүдийнхээ төлөө ярьж, хийж байсныг билгийн нүдээрээ харсан биз, бодвол.

Тэгвэл “Алд бие минь алжаавал алжаа...", "миний монголын үр сад хэнээс ч илүү тансаг сайхан амьдрах болно" гэж хэлээд, түүнийхээ төлөө нэгэн нас биеэ зориулсан Чингис хаан маань бас "бодьсадва" байсан байна шүү дээ. Тийм ээ?

Монголд бодьсадва... биш ээ бодьсадванууд л хэрэгтэй юм байна. Монголын бодьсадва нар маш олон болтугай! Ум мани бадмэ хум!

※Бага байхад зурагтаар гарах Горбачевийн зулай нь глобус дээрх энэтхэгийн хойг шиг харагддаг байж билээ. Ямар нэгэн холбоо байгаан болуу!? ;)

Залуу бүсгүй ба далайчин

2006-11-03T22:39:00.000+09:00

Хөлөг онгоц хад мөргөн живэв. Тэр хөлөг онгоцонд сууж явсан хүмүүсээс таван азтай нь нөөц завинд суун амьд үлдэж чаджээ. Нэг завинд далайчин эр, залуу бүсгүй болон нэг настай хүн гурав. Хоёр дахь завинд залуу бүсгүйн сүйт залуу, түүний найз хоёр суужээ. Тэнгэр муудаж, давалгаанд цохиулсаар хоёр завь хоорондоо тасран, төөрч орхив.

Залуу бүсгүйн суусан завь хөвөн хөвсөөр нэгэн аралд хүрчээ. Сүйт хархүүгээ алдсан бүсгүй, амьд эсэхийг нь мэдэхээр нөгөө завийг хайсан боловч ямар ч сураг ажиг байдаггүй. Дараачийн өдөр тэнгэр сайжирсан ч мөн л сүйт залуу олдсонгүй.

Бүсгүй бууж өгөлгүй хайсаар, далайн тэртээд нэгэн арлын бүүр түүрхэн бараа байхыг олж харжээ. Эр нөхөр нь болох ёстой, сүйт залуугаа олох ганц хүслээр далайчнаас гуйв. "Завиа засаад, тэр аралд хүргэж өгөөч" гэж. Далайчин зөвшөөрсөн боловч нэг нөхцөл тавьжээ. Тэр нь бүсгүйтэй нэгэн үдшийг цугтаа өнгөрүүлэх явдал байлаа.

Гайхаж цөхөрсөн бүсгүй хөгшнөөс "яавал дээр вэ, ямар нэгэн арга хэлж өгөөч" гэж асуутал "Чиний хувьд юу хийвэл зөв, юу нь буруу болохыг би хэлж мэдэхгүй. Өөрийнхөө зүрх сэтгэлээс асуу!" гэв. Бүсгүй эргэлзэн, шаналсны эцэст далайчны үгийг дагажээ.

Өглөө нь далайчин завиа засан бүсгүйг нөгөө аралд хүргэж өгөв. Сүйт залуугийнхаа барааг харсан бүсгүй эрэгт хүрэв үү, үгүй юу завьнаас үсрэн бууж гүйсээр тэврэн авлаа. Сүйт залуугийнхаа цээжийг налан зогсохдоо урьд шөнийн явдалыг ярих уу, болих уу? гэж бодсоны эцэст бүгдийг ярьжээ. Үүнийг сонссон сүйт залуу уурлан "дахин царайг чинь хармааргүй байна" гээд гүйн одов. Эрэг дээр бүсгүй ганцаараа уйлсаар үлдлээ.

Бүсгүйг харсан сүйт залуугийн найз нь түүн дээр дөхөж ирээд, мөрөөр нь тэврэнгээ "Та хоёрийн муудалцсаныг чинь би сайн ойлгож байна. Сүйт залууд чинь сайтар ярьж ойлгуулна. Тэр болтол хэсэг хугацаанд би чиний дэргэд байж харж халамжилъя" гэжээ.

※Энд гарч байгаа таван хүнийг 1-ээс 5 хүртэл дугаарлана уу.
Танд хамгийн зөв (таалагдсан) гэж бодсон хүнийг 1, хамгийн муухай гэж бодсон хүнийг 5 гэсэн дарааллаар.

... Залуу бүсгүй
... Сүйт залуу
... Далайчин
... Хөгшин хүн
... Сүйт залуугийн найз

(Хариуг дараагийн дугаараас)

Сугалаа

2006-11-02T12:37:00.000+09:00

Сугалааны ТҮЦ нүдэнд туслаа. 300 сая иен хожно гэсэн бичиг байна. Ингэж ажил мажил хийж явахаар үүнийг хождог ч юм билүү гэж бодогдов.

Амэрх-д нэг эр сугалаагаар хэдэн сая доллар хожсон чинь гэр бүл нь ажил хичээлээ хаяад, зугаа цэнгэлд автаж, азгүй явдлууд дараалсаар өмнөхөөсөө ядуураад эцэст нь амиа хорлоод дуусжээ л гэнэ. Бас нэг дээд сургуулийн багшийг жанжны талбай дээр явж байхад нь телевизийнхэн барьж аваад "та яг одоо төдөн сая төгрөг хожвол хамгийн түрүүнд юу хийх вэ?" гэтэл багш "юу ч гэсэн хэдэн хувцас авна даа" гэж хэлээд оюутнууддаа онигоонд орсон л гэнэ.

Сугалаагаар гэнэт их мөнгө хожвол яахав, ийхэв гэж бодож үзээгүй хүн бараг байхгүй биз. Би ч бас бодож үзлээ. 3-р ангийн хүүхдээс асуувал адилхан юм хэлэх байхаа. Уралдааны машин, том байшин худалдаж авснаа гэрийнхнийгээ өвөл дулаан оронд амьдруулаад л. Мөнгөө дуусгачихгүйн тулд компани байгуулсан чинь нөгөө мөнгө чинь улам их болоо л. Хахаха.

Урьд сонссон үг санаанд оров. "Сугалаа сугалаад хэзээ ч их мөнга хожихгүй. Харин сугалахгүй бол бүр хэзээ ч хожихгүй."

------------------------------------------------------------------------------------------------------

За, маргааш амралтын өдөр юм чинь инээцгээе. 東京ダイナマイトです。
Яриаг нь ойлгохгүй байсан ч хамаагүй. Exercise-ийн хэсгийг л үзэхэд болно.
Хошин шог гэж энэ дээ.

Дарга

2006-11-01T10:37:00.000+09:00

Японд дөнгөж ирээд удаагүй айл нүүлгэдэг ажилд ордийн байна. Хэл мэдэхгүй ээ, нэг япон нөхөртэй машинаар баахан юм ачаад л, буулгаад л. "Гэдэс чинь өлсөж байна уу?" гэдгээ хар яриагаар хэлэхийг нь ойлгохгүй өлсөөд л яваад байх жишээтэй. Яаж ийж байгаад ажилдаа жоохон даслаа. Гэтэл тэндхийн япон ажилчид ихэнх нь хүнд талдаа. Яриа нь бол нуль хараал. Зодолдоно. "Тэр жолооч шоронгоос саяхан гарч ирсэн" гэх зэргийн үг ч чих дэлсэх. Нэг өглөө машинаа хүлээгээд конторт сууж байтал жижигхэн халзан өвгөн ороод ирлээ. Захирал гэнэ. Мэндэлтэл өөдөөс зүгээр л цатгалан бар шиг зөөлөн архирдаг байна шүү. Хожим сонсохнээ якуза гэсэн.

Дараа нь арай цалин сайтай юм гээд нэг их урт цагаар ажилдаг газар оров. Тэндхийн хүмүүс нь тэс өөр, хоорондоо эелдэг харьцана, инээж ханиана. Ажлын орчин тийм байхад цаг хурдан өнгөрнө, ядарснаа ч мэдэхгүй, амар. Дарга нь гэж их сайхан тайван хүн, хааяа ирэхээрээ дор бүрнээ ажлаа хийж байгаа бидэн дээр ирээд яаж байна, ийж байна гэж асуугаад л явна. Тэнд нэлээд удаан ажилласан.

Ажил сургууль холдоод байхаар нь ойрхон газар ажилд орлоо. Энэ удаад адилхан үйлдвэр боловч яг л галзуугийн эмнэлэг гэсэн үг. Бүгд нервтэцгээгээд, яджаахад эмээ өвөө нар их юм аа, чааваас. Бүгд орилолдож, гашгиралдаад үнэн аймаар. Нэг өвгөн бол бүр онцгой нервтэй, ууртай, гашгичаа. Аан? Харин тийн, тэр өвгөн үйлдвэрийн дарга нь байсиймдаа.

Чиний удирдсан байгууллага ямаршуу уур амьсгалтай байх бол? んんん бодох л зүйл.

Өнөө өглөө

2006-10-31T10:49:00.000+09:00

Өглөө цагтаа гэрээсээ гарлаа. Жагсаалаараа сургуульдаа явдаг хүүхдүүд нөгөө замаараа явж байна. Хажуугийн байрнаас гарч явдаг өвгөн хувцас нь ч өөрчлөгдөөгүй алхаж яваа харагдана. Машинууд хүртэл зам тээврийн дүрмийн дагуу. Бүх юм эмх цэгцтэй, цэвэрхэн, яг л өчигдрийн, уржигдрын, урьдны хэвээрээ. Хүмүүс рүү харлаа. Зарим нь харц мөргөлдөнгүүт шууд бултуулна. Эсвэл анзаараагүй байдал гаргана. Тэгсэн чинь нэг кино санаанд ордог байгаа. Jim Carrey-ийн Truman Show. Хэхэ. Өөрийгөө Truman гэж бодоод буудлын тавцан дээр зогсож байснаа гэнэт цүнхээ дээш нь шидээд, муухай орилоод дөрвөн мөчөө сарвагануулаад, үсэрч цовхчлоо. Хэн ч анзаарсан шинжгүй. Тал тал тийшээ огцом эргэн харвал түрүүчийнх шиг, “өөрийг нь ажиглаж байгаагаа мэдэгдэж болохгүй шүү” гэсэн даалгавар авсан мэт бушуухан өөр тийш харах юм уу, огт юу ч болоогүй царай гаргана. Тэгэхээр нь би бүр тэрий хадаад унаад өглөө. Хэсэг нүдээ аниад хэвттэл, удалгүй зогсоолын ажилтнууд бас дамнуурга барьсан 2 эмч болтой нөхдүүд миний дэргэд ирлээ. 2 эмч барилгачдын өмсдөг шиг дуулга өмсжээ. Би ч шурдхийн босоод халтар болоогүй ч гэсэн хувцасаа гүвэнгээ, “大丈夫、大丈夫” гэж хэлчихээд цахилгаан тэргэнд үсрэн суулаа. Киноны төгсгөлийн хэсэг санаанд орлоо. Truman завинд суугаад, эрх чөлөөтэй газар луу зугтдаг даа. Би ч гэсэн хаачихаа бодлоо. Монгол уу? Америк уу? Эсвэл хаа нэгтээх ширэнгэн ой юу?
Нэг мэдсэн ажил дээрээ ирцэн байна. Би хаашаа ч зугтаахгүй юм шиг байнөө. Яагаад гэвэл нэгдүгээрт Японд(эмх цэгцтэй, цэвэрхэн, дэг журамтай) дасчихжээ. Хоёрт гэвэл би Truman биш, намайг хэн ч ажиглаагүй. Хэхэ.
Хөөе балай! ажлаа хий!
んんん　За!

Тэр нэгэн хавар

2006-10-30T20:00:00.000+09:00

Юу ч хамаагүй бичээд байнаа. Нэгэнт өдөр болгон бичнэ гэцийм чинь. Монгол гаран дээр хурдан бичиж сурнаし. Хэдэн өдөр үргэлжлүүлж чадахаа ч бас үзье байз.

Дунд ангид болсон нэгэн явдал санаанд орчлоо. Нэг өдөр Төгөлдөр багш (уул нь одон орны багш биш) “6 сарын 20-нд хоёр од зөрөх үзэгдэл дэлхийгээс тод харагдана. Надад дуран бий, хэдүүлээ цуг харах уу?” гэж бидний гурван нөхдийг уруу татдаг юм байна. Гэхдээ дурангийн цамхаг олон жил ашиглаагүй болохоор хог новшоор дүүрэн, цэвэрлэх хэрэгтэй гэв. Бид ч уухайн тас зөвшөөрч, түлхүүрийг нь аваад орж үзлээ. Ээ бурчкан минь, дүүрэн эвдэрхий сандал ширээ, тоос шороо, хамгийн айхтар нь шал тэр чигтээ 30 см зузаан шувууны сангас. Дээврийн хаалт нь эвдэрч, гүйцэд хаагдахаа больсон учраас шувуу үүрлэсэн байж.

Ёшш! Дайрчихлаа. Ангийнхаа заримыг найрч барьж туслуулаад бүтэн өдөржингөө цэвэрлэв. Хэдэн шуудай сангас гаргаж хаясан бөө мэд. Нөгөө эвдэрсэн дээврийг найз маань “амиа золиослон”, тэр өндөрт гадна талд нь гарч янзалснаар, хаалтыг нээж хаах болон дээврийг бүхэлд нь эргүүлдэг гар ажиллагаатай 2 дамар засагдлаа. Хамгийн сүүлд туслагч багийнхан ч харьчихсан, харуй бүрий болсон хойно гурвуулаа дөнгөж савандаж угаагаад хатаж байгаа дурангийн өрөөнд оймстойгоо, жижигэн магнитфоноо барьсаар орлоо. Тамхи ч татдаггүй жоохон хүүхдүүд байж. Гурвуулаа “Байлдагч Хүдэр хөлгийг баруун тийш 90 градус эргүүлээд! Гүйцэтгэе” мэтээр командлахад дамраас унжих гинжнээс татаж дээврийг эргүүлэн, шөнийн Улаанбаатарын хараачлах зэргээр наадсаар, сүүлдээ ядарсандаа зүгээр л шөнийн тэнгэрийг харан хэвтэж элдвийг ярилцсаар нойрсоцгоолоо.. Од зөрөх өдөр болтол бас хэдэн өдөр бий.

Тэрнээс хойш хичээлийн завсарлагаагаар ч тэр, цонхолсон ч тэр нөгөөхлүүгээ гүйдэг боллоо. Нэг зовлонтой нь өөр ангиар дамжиж ордог нь. Орж гарахад тэр ангийн багш нь шилнийхээ дээгүүр ажигласхийгээд л сууж байна. Ороод сүртэй хийх юм байхгүй, дуран ч хараахан зоогоогүй. Тэхдээ л нэг л гоё. Хааяа коридорт Төгөлдөр багштай тааралдаад дуранг байрлуулахад бэлэн болсныг илтгэхэд “Тэгнээ, тэгжаагаад” гэх.

Гэтэл нэг сайхан нартай өдөр нөгөө дамждаг ангийн нүдний шилтэй багш, зүгээр л “Үл бүтэх нөхдүүд нэг л сэжигтэй. Яав ч нэг эсэргүү зүйл хийж байгаа" гэдэг цэвэр хардлага сэрдлэг бүхий шалтгаанаар түлхүүрийг хураана гэнээ. Шарандаа ч тэр үү, сургуулийн охидуудын харцанд өрттөг, тэрүүхэн тэндээ бардамдаа ч тэр үү, өөр ангийнхны дэргэд “Од зөрөхийг харахжаагаан” гэж яг хэлж харагдаач. Яаж ч чадалгүй өгчихлөө. Гурвуулаа Төгөлдөр багшид хэлж үзлээ. Нэг л хөдөлдөггүй ээ. Одоо бодохнээ “хаврын шалгалт ойртчихоод байхад, хүүхдүүдийг хичээл хийлгэсэнгүй” гэсэн хэрэгт орохвий гэж бодсон ч юм уу дөө. Ямартай ч түлхүүрээ авч чадалгүй байсаар зуны амралт ч боллоо. Од ч зөрдгөөрөө зөрөө л биз. Тэр намартаа өөр сургуульд шилжээд алга болсон дог.
Ийм л юм болсийм даа.

Дараа нь хэдэн жилийн дараа сургуулийнхаа тэрүүгээр явж байгаад хартал дээвэр нь жоохон онгойсон байлаа. Хэсэг харж зогслоо. Гэнэт хэн нэгэн нь хажуугаас “хөөе, юугаа гөлрөөд байгаам бэ, явъя! ”
んんん За!

Birthday

2006-10-29T23:59:00.000+09:00

Төрсөн өдөр 最高。Өглөө харьж явахдаа унтаад буудлаа хэтэрч давхисныг эс тооцвол. Их ч бэлэг авлаа. Нэг бүсгүйгээс сарнай хүртэл авлаа шүү дээ. でも "Энэ цэцэг шиг гоё найз охинтой болоорой, хурдан" гэнээ. んんん　За!

※Хишгээд:
Өдөр болгон бичнээ! そこまで言われるとさ。

Тэцүя

2006-10-28T06:34:00.000+09:00

Ажил ч гэж дээ. Хүмүүсийн блогийг уншсаар байгаа л таарлаа. Тогоруу, Инга 2 таалагдлаа. Бүсгүйчүүд ээ гэж...

Анхны блог

2006-08-08T12:43:00.000+09:00

Сайн байцгаана уу?　Би Хүдэр байна.